کے پی میں سینیٹ الیکشن ملتوی کرنے کا الیکشن کمیشن کا فیصلہ عدالت میں چیلنج

پشاور: خیبرپختونخوا اسمبلی میں مخصوص نشستوں کے اراکین سےحلف نہ لینے پرسینیٹ کے انتخابات ملتوی کرنےکے معاملے پر اعظم سواتی نے ہائیکورٹ سے رجوع کرلیا۔

پی ٹی آئی رہنما اعظم سواتی کے وکیل علی عظیم آفریدی ایڈووکیٹ نے  پشاور ہائیکورٹ میں درخواست جمع کرائی جس میں مؤقف اختیار کیا گیا ہےکہ خیبرپختونخوا میں سینیٹ انتخابات ملتوی کروانا غیرقانونی ہے، الیکشن کمیشن نے سینیٹ امیدواروں کو سنے بغیر فیصلہ جاری کردیا، الیکشن کمیشن نے جن کو سنا وہ ابھی منتخب ہوئے،حلف بھی نہیں لیا۔

درخواست میں مؤقف اختیار کیا گیا ہے کہ درخواست گزار اعظم سواتی سینیٹ امیدوار ہیں ان کو نہیں سنا گیا، الیکشن کمیشن کے فیصلے سے سینیٹ کا انتخابی عمل متاثر ہوگا اور سینیٹ انتخابات کو بروقت یقینی بنانا الیکشن کمیشن کی آئینی ذمہ داری ہے۔

واضح رہےکہ الیکشن کمیشن نے مخصوص نشستوں کےاراکین سےحلف نہ لینے پر سینیٹ الیکشن ملتوی کرنےکا فیصلہ کیا تھا۔

کے پی حکومت کا مخصوص نشستوں پر حلف لینے کا ہائیکورٹ کا حکم چیلنج کرنے کا فیصلہ

فیصلہ چیلنج کرنے کے حوالے سے رٹ پیٹیشن بھی تیار کردی گئی ہے جو دو دن بعد دائر کی جائےگی: آفتاب عالم

مخصوص نشستوں پر حلف نہ لیا تو کے پی میں سینیٹ انتخابات ملتوی کردینگے: الیکشن کمیشن

الیکشن کمیشن، الیکشن ایکٹ کے تحت مخصوص نشستوں پر حلف تک خیبر پختونخوا میں سینیٹ الیکشن ملتوی کرسکتا ہے، تحریری فیصلہ