'قیادت کیلئے رضوان بہتر چوائس تھے'، بابر کو دوبارہ کپتان بنانے پر آفریدی حیران

پاکستان کرکٹ ٹیم کے کپتان کی دوبارہ تبدیلی پر سابق کپتان شاہد آفریدی کا ردعمل سامنے آگیا۔

ایکس پر بیان جاری کرتے ہوئے شاہد آفریدی نے لکھا کہ میں سلیکشن کمیٹی میں شامل تجربہ کار پلیئرز کے فیصلے پر حیران ہوں، اگر تبدیلی ضروری تھی تو قیادت کیلئے محمد رضوان بہتر چوائس تھے۔

شاہد آفریدی نے کہا کہ تاہم اب فیصلہ ہوچکا ہے تو بابر اعظم کیلئے میری حمایت اور نیک خواہشات حاضر ہیں۔

واضح رہے کہ  پاکستان کرکٹ بورڈ نے بابر اعظم کو ایک بار پھر پاکستان کرکٹ ٹیم کا کپتان بنا دیا ہے۔

بابر اعظم شاہین آفریدی کی جگہ قومی ٹی ٹوئنٹی ٹیم کی قیادت کریں گے۔

اس سے قبل گزشتہ سال ورلڈکپ میں شکست کے بعد بابر اعظم کے کپتانی سے دستبردار ہونے کے بعد شاہین آفریدی کو قومی ٹیم کاکپتان بنایا گیا تھا۔

بابر اعظم کو ایک بار پھر قومی ٹیم کا کپتان بنا دیا گیا

بابر اعظم وائٹ بال کرکٹ میں پاکستانی ٹیم کی قیادت کریں گے: اعلامیہ پی سی بی

'عامر اور عماد سینیئر ہیں، ان کا احترام کرنا'، بابر کے والد کا بیٹے کو مشورہ

اللہ سب اسباب کا مالک ہے وہی دلوں کو سخت اور نرم کرتا ہے ،ضروری ہے کہ قبلہ کعبہ درست ہو پاکستان زندہ باد:بابر کے والد کا سوشل میڈیا پر بیان