اسلام آباد ہائیکورٹ کا فواد چوہدری کو ضمانت پر رہا کرنے کا حکم

اسلام آباد ہائیکورٹ نے سابق وفاقی وزیر فواد چوہدری کو ضمانت پر رہا کرنے کا حکم دے دیا۔

اسلام آباد ہائیکورٹ کے چیف جسٹس عامر فاروق اور جسٹس طارق محمود جہانگیری نے فواد چوہدری کی ضمانت کی درخواست پر سماعت کی جس سلسلے میں سابق وزیر کی جانب سے وکیل قیصر امام عدالت میں پیش ہوئے۔

بعد ازاں عدالت نے وکلا کے دلائل مکمل ہونے کےبعد فواد چوہدری کی ضمانت منظور کرلی اور انہیں رہا کرنے کا حکم دیا۔

فواد چوہدری کی ضمانت پر ان کے بھائی فیصل چوہدری نے کہا کہ خدشہ ہےفواد چوہدری کو کسی اور جھوٹے مقدمے میں گرفتار کرلیا جائےگا، توقع ہے کہ عدالتیں غیرقانونی گرفتاری سےتحفظ دیں گی۔

واضح رہےکہ جہلم میں زمین سے متعلق نیب کیس میں فوادچوہدری جوڈیشل ریمانڈ پر اڈیالہ جیل میں قید ہیں۔

فواد چوہدری کے جوڈیشل ریمانڈ میں توسیع، اہلخانہ سے فون پر بات کی اجازت مل گئی

نیب حکام نے جوڈیشل ریمانڈ مکمل ہونے پر سابق وفاقی وزیر کو احتساب عدالت میں پیش کیا تھا

حبا اور فیصل چوہدری عدالت میں فواد چوہدری کے سامنے الجھ پڑے

فیصل چوہدری وکیل قیصر امام سے بات کر رہے تھے کہ حبا فواد کی مداخلت پر دونوں میں تلخ کلامی ہو گئی