آئی پی ایل کی تاریخ کے سب سے مہنگےکھلاڑی مچل اسٹارک رنز کے اعتبار سے بھی مہنگے ثابت

انڈین پریمیئر لیگ (آئی پی ایل) میں سب سے مہنگے فروخت ہونے والے آسٹریلوی فاسٹ بولر مچل اسٹارک رنز دینے کے اعتبار سے بھی سب سے مہنگے ثابت ہوئے۔

بالی وڈ اسٹار شاہ رخ خان کی فرنچائز کولکتہ نائٹ رائیڈرز  نے مچل اسٹارک کو 44 لاکھ 30 ہزار  آسٹریلوی  ڈالرز میں خریدا تھا جو کہ بھارتی روپوں میں 24 کروڑ 75 لاکھ روپے بنتے ہیں۔ وہ  اب تک آئی پی ایل کی تاریخ کے سب سے مہنگے کھلاڑی ہیں۔

مچل اسٹارک کی ایک بال کا معاوضہ 13 ہزار  آسٹریلوی ڈالرز  سے زائد بنتا ہے لیکن اب تک وہ 2 میچز  میں 100 رنز دے چکے ہیں وہ بھی کوئی وکٹ حاصل کیے بغیر۔

اس طرح وہ رنز دینے کے اعتبار سے بھی آئی پی ایل کے اب تک سب سے مہنگے بولر ثابت ہوئے ہیں۔