پاکستان والی بال کے برازیلین کوچ کا قومی ٹیم سے علیحدگی کا فیصلہ

پاکستان والی بال کے برازیلین کوچ نے قومی والی بال ٹیم سے علیحدگی کا فیصلہ کرلیا ہے۔

برازیل سے تعلق رکھنے والے پاکستان والی بال ٹیم کے کوچ ایسا رمیرس کی زیر نگرانی پاکستان نے ایشین گیمز میں جنوبی کوریا کو شکست دی تھی۔

ایشین گیمز میں شکست پر کوریا نے برازیلین کوچ کی خدمات حاصل کرلی ہیں۔

ایشین والی بال چیمپئن شپ میں پاکستان میڈل کی دوڑ سے آؤٹ

ایشین والی بال کے ٹاپ 12 میں ایران نے پاکستان کو تین ۔ صفر سے شکست دی، ایران نے 18-25، 15-25 اور 13-25 سے کامیابی حاصل کی۔

رپورٹ کے مطابق پاکستان برازیلین کوچ کو ماہانہ 4 ہزار ڈالرز ادا کر رہا تھا جبکہ کورین حکومت نے انہیں 8  ہزار ڈالرز تنخواہ کے ساتھ اہلخانہ کے لیے پرکشش مراعات بھی آفر کی ہیں ۔

پاکستان والی بال فیڈریشن کے چیئر مین چوہدری یعقوب کاکہنا ہے کہ ہمارے وسائل محدود ہیں، کورین حکومت جیسا پیکج نہیں دے سکتے۔