03 اپریل ، 2024 
احسان اللہ کی انجری کی غلط تشخیص کی گئی اور سرجری ناکام ہوئی: علی ترین
03 اپریل ، 2024
پاکستان سپر لیگ کی فرنچائز ملتان سلطانز کے مالک علی ترین نے فاسٹ بولر احسان اللہ کا علاج انگلینڈ سے کروانے کا فیصلہ کرلیا ہے۔
علی ترین کا کہنا ہے کہ احسان اللہ کی کہنی کی انجری کی غلط تشخیص کی گئی جس کی وجہ سے ان کی سرجری ناکام ہوئی۔
انہوں نے کہا کہ ملتان سلطانز نے کہنی کی انجری کے باوجود احسان اللہ کو پی ایس ایل 9 میں ریٹین کیا جس کا مقصد ملتان سلطان کے فیزیو، اسٹرینتھ کنڈیشننگ کوچ کے ساتھ کام کرنا تھا۔
علی ترین نے بتایا کہ احسان اللہ کو رواں ماہ انگلینڈ بھیج رہے ہیں، جہاں ماہر سرجن ان کا معائنہ کریں گے۔
ملتان سلطانز کے مالک علی ترین کا کہنا تھا کہ پی سی بی نے ہمیں احسان اللہ کے انگلینڈ میں علاج کی اجازت دے دی ہے۔
واضح رہے کہ فاسٹ بولر احسان اللہ نے پی ایس ایل 8 میں ملتان سلطانز کی نمائندگی کرتے ہوئے بہترین کارکردگی دکھائی تھی۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
