07 اپریل ، 2024 
اسرائیلی فوج نے جنوبی غزہ میں موجود فوجیوں کی تعداد میں کمی کر دی
07 اپریل ، 2024
اسرائیل نے مقبوضہ فلسطین کے علاقے غزہ کے جنوبی حصے میں موجود فوجیوں کی تعداد میں کمی کر دی۔
اسرائیلی فوج کے مطابق جنوبی غزہ میں ایک بریگیڈ کو چھوڑ کر باقی تمام فوجی دستوں کو واپس بلا لیا گیا ہے۔
اب اسرائیلی فوج کا نہال بریگیڈ جنوبی غزہ میں موجود رہے گا۔
اسرائیلی فوج نے جنوبی غزہ سے فوجیوں کو نکالنے کی مزید تفصیلات نہیں بتائیں تاہم ایک اسرائیلی بریگیڈ میں عموماً چند ہزار فوجی ہوتے ہیں۔
اسرائیلی فوج نکالنے کے بعد رفح میں زمینی آپریشن کے اسرائیلی عزائم بھی ابھی واضح نہیں۔
خیال رہے کہ اسرائیلی فوج جنوبی غزہ میں 4 ماہ سے موجود ہے اور خان یونس کے مقام پر سخت مزاحمت کا سامنا کرنا پڑا ہے۔
واضح رہے کہ اسرائیلی جارحیت کے نتیجے میں غزہ میں خوراک سمیت بنیادی ضروریات کی شدید قلت پیدا ہوگئی ہے جبکہ بنیادی شہری انفرا اسٹرکچر بھی تباہ ہوگیا ہے۔
غزہ پر اسرائیلی حملوں میں اب تک 33 ہزار سے زائد فلسطینی شہید ہو چکے ہیں جن میں 13 ہزار سے زائد تعداد بچوں کی ہے۔
مزید خبریں :
دبئی میں لاپتہ اسرائیلی مذہبی رہنما کی لاش مل گئی
3 گھنٹے پہلے
ایلون مسک کی دولت ریکارڈ 348 ارب ڈالرز تک پہنچ گئی
11 گھنٹے پہلے
