07 اپریل ، 2024 
پاکستان
وزیراعظم کی سعودی ولی عہدکی دعوت افطار میں شرکت، تجارتی اور سرمایہ کاری امورپرگفتگو
07 اپریل ، 2024
عمرہ کی ادائیگی کے لیے مکہ مکرمہ میں موجود وزیراعظم شہباز شریف کو سعودی ولی عہد شہزادہ محمد بن سلمان نے افطار کی خصوصی دعوت دی۔
وزیراعظم شہباز شریف اور وفدکا سعودی ولی عہد شہزادہ محمد بن سلمان نے استقبال کیا۔
سعودی ولی عہد شہزادہ محمد بن سلمان نے وزیراعظم شہباز شریف کے اعزاز میں افطار ڈنر دیا۔
دونوں رہنماؤں کے درمیان دوطرفہ تعلقات اور باہمی امور پر تبادلہ خیال بھی ہوا۔ پاک سعودی تجارتی اور سرمایہ کاری کے امور پر بھی گفتگو کی گئی۔
مکہ مکرمہ کے الصفا پیلس میں سعودی ولی عہد کی جانب سے دی گئی دعوت افطار میں وزیراعظم شہباز شریف کے علاوہ بحرین کے ولی عہد بھی شریک ہوئے۔
