ممکنہ بارش سے نمٹنےکیلئے تمام تیاریاں مکمل ہیں: میئر کراچی
14 اپریل ، 2024
میئر کراچی مرتضیٰ وہاب کا کہنا ہے کہ ممکنہ بارش سے نمٹنے کیلئے تمام تیاریاں مکمل کر لی گئی ہیں۔
میئرکراچی مرتضیٰ وہاب نے کہا کہ کراچی کے مختلف علاقوں میں واٹر کارپوریشن کی مشینری پہنچا دی گئی ہے اور ساتھ ہی چوکنگ پوائنٹ پر پمپ پہنچا دیے گئے ہیں۔
مرتضیٰ وہاب نے بتایا کہ بلدیہ عظمیٰ کراچی کے نالوں کی صفائی بھی جاری ہے جبکہ بلدیہ عظمیٰ کراچی کے عملے کی چھٹی منسوخ ہے اور سولڈ ویسٹ کا عملہ بھی سڑکوں پر موجود ہے۔
ترجمان سندھ حکومت کے مطابق وزیر اعلیٰ کی ہدایت پر تمام ادارے آن بورڈ ہیں۔
