قومی اسکواش پلیئرز ٹورنامنٹ کیلئے آئرلینڈ تو پہنچے پر ان کا سامان نہ پہنچ سکا

پاکستان کے ٹاپ اسکواش پلیئرز عاصم خان اور نور زمان دو ٹورنامنٹس کھیلنے کیلئے آئرلینڈ پہنچ گئے ہیں لیکن ان کا سامان نہ پہنچ سکا۔

نور زمان اور عاصم خان پہلے ویسٹ آئرلینڈ اوپن پھر آئرش اوپن میں حصہ لیں گے ۔ 

ایونٹ میں شرکت کیلئے دونوں پلیئرز پیر کو آئرلینڈ پہنچ گئے لیکن ان کا سامان اب تک نہیں پہنچا ۔ 12 ہزار ڈالرز انعامی رقم والا ویسٹ آف آئرلینڈ اوپن منگل کو شروع ہوگیا۔

ایونٹ میں عاصم خان ٹاپ سیڈ ہیں ۔ انہیں اور نور زمان کو پہلے راؤنڈ میں بائی ملا جبکہ دوسرا راؤنڈ بدھ کی شام کو ہونا ہے ۔ دونوں پلیئرز تاحال سامان نہ ملنے کی وجہ سے پریشانی کا شکار ہیں۔

پاکستان کے ٹاپ اسکواش پلیئر عاصم خان 5 ماہ سے تنخواہ سے محروم

عاصم خان نے سوشل میڈیا پر سیلری نہ ملنے کا شکوہ کیا ہے اور لکھا ہے کہ کئی سالوں سے مجھے میرا ڈپارٹمنٹ وقت پر سیلری نہیں دے رہا

عاصم خان نے جیو نیوز کو بتایا کہ وہ غیر ملکی ائیرلائن سے براستہ استنبول آئرلینڈ پہنچے، فضائی روٹس میں خلل کی وجہ سے فلائٹ کا دورانیہ بڑھ گیا جس کے سبب کنیکٹنگ فلائٹ میں وقفہ صرف آدھا گھنٹہ بچا تھا جس کی وجہ سے اس فلائٹ پر سامان نہ آسکا ۔ 

عاصم کے مطابق ائیرلائن نے پہلے منگل کو سامان دینے کو کہا پھر بدھ کی صبح سامان دینے کی یقین دہانی کرائی ہے ۔ دونوں پلیئرز کو شام پانچ بجے اپنے اپنے میچز کھیلنا ہیں اور اگر بروقت سامان نہیں ملا تو پلیئرز کے لیے مسائل ہوسکتے ہیں۔