خیبر پختونخوا: بارشوں کے دوران حادثات میں جاں بحق ہونیوالوں کیلئے مالی امداد جاری

پشاور: خیبر پختونخوا میں طوفانی بارشوں کے سبب مختلف حادثات میں جاں بحق ہونے والوں کے لیے مالی امداد کی رقم جاری کردی گئی۔

صوبائی ڈیزاسٹر مینجمنٹ اتھارٹی نے ورثا کی مالی امداد کے لیے 5 کروڑ روپے جاری کردیے ہیں۔

اس حوالے سے وزیر اعلیٰ کے پی علی امین گنڈاپور نے کہا کہ حکومت بارش کے متاثرین کو تنہا نہیں چھوڑے گی، متاثرین کی امداد اور بحالی پہلی ترجیح ہے۔

وزیر اعلیٰ علی امین گنڈاپور نے متاثرین کو بروقت امداد اور ریلیف کی فراہمی یقینی بنانے کی بھی ہدایت کی ہے۔

خیبر پختونخوا میں 4 روز سے جاری بارشوں سے 21 افراد جاں بحق اور 32 زخمی

مختلف اضلاع میں دیواریں اور چھتیں گرنے کے 330 واقعات رونما ہوئے، 53 گھروں کو مکمل اور 277 گھروں کو جزوی طور پر نقصان پہنچا ہے

مغربی ہواؤں کا نیا سلسلہ بلوچستان میں داخل، سرحدی علاقوں میں موسلادھار بارش

تفتان، نوکنڈی، دالبندین میں طوفانی بارش کے باعث بلوچستان کے ندی نالوں میں طغیانی کا خطرہ پیدا ہو گیا ہے: محکمہ موسمیات