18 اپریل ، 2024 
اوپننگ کا فیصلہ نہیں ہوا، بابر کو بھی آرام دیا جاسکتا ہے: ہیڈ کوچ اظہر محمود
18 اپریل ، 2024
قومی ٹیم کے ہیڈ کوچ اظہر محمود کا کہنا ہے کہ نیوزی لینڈ کے خلاف میچز میں کپتان بابر اعظم کو بھی آرام دیا جاسکتا ہے۔
راولپنڈی میں پریس کانفرنس کرتے ہوئے اظہر محمود نے کہا کہ روٹیشن پالیسی کو مد نظر رکھتے ہوئے نیوزی لینڈ کے خلاف پلیئنگ الیون بنائی جائے گی کیوں کہ ایسا نہیں ہوسکتا کہ بابر اعظم یا کوئی کھلاڑی آرام نہیں کرسکتا۔
ہیڈ کوچ کا کہنا تھا کہ نیوزی لینڈ کوبی یا سی ٹیم نہیں کہوں گا، چیمپئنز ٹرافی 2017 کے بعد بڑا ٹورنامنٹ نہیں جیتے لیکن پاکستان کو ٹی ٹوئنٹی ٹورنامنٹ میں نظر انداز نہیں کرسکتے، بولنگ بیٹنگ کے پلان پر کام جاری ہے۔
انہوں نے مزید کہا کہ پاکستان کا ٹاپ آرڈر کافی مضبوط ہے جب کہ نیوزی لینڈ کا اسکواڈ نیا ہے، ٹی ٹوئنٹی میں کوئی بھی ٹیم ہلکی نہیں ہوتی، بارش کے باعث دو اسپنرز کے ساتھ بھی کھیل سکتے ہیں۔
اظہر محمود کا کہنا تھاکہ ابھی فیصلہ نہیں کیا کہ فخر، رضوان، بابر صائم ایوب میں سے کون اوپن کرےگا؟ شاہین آفریدی مکمل فٹ ہیں، سنا ہے وہ پہلا میچ نہیں کھیلیں گے لیکن ابھی کوئی فیصلہ نہیں ہوا۔
مزید خبریں :
آئی سی سی چیمپئنز ٹرافی کا ممکنہ شیڈول سامنے آگیا
6 گھنٹے پہلے
