21 اپریل ، 2024 
غزہ: اسرائیلی حملے سے شہید حاملہ خاتون کے بچے کو ڈاکٹروں نے بچا لیا
21 اپریل ، 2024
مقبوضہ فلسطین کے علاقے غزہ میں رفح کے مقام پر اسرائیلی حملے میں شہید ہونے والی حاملہ خاتون کے بچے کو ڈاکٹروں نے بچا لیا۔
غیر ملکی خبررساں ادارے کے مطابق اسرائیلی حملے میں شہید ہونے والی حاملہ خاتون سبرین السکنی کے شوہر اور بیٹی بھی شہید ہوگئے تھے۔
نومولود بچی کی حالت بہتر بتائی جارہی ہے، بچی کی دیکھ بھال کرنے والے ڈاکٹر کے مطابق پیدائش کے وقت بچی کا وزن 1.4 کلوگرام تھا اور اب اس کی حالت بہتر ہورہی ہے۔
نومولود کو انکیوبیٹر میں رکھا گیا ہے اور شناخت ’شہید سبرین کی بیٹی‘ رکھی گئی ہے، بچی کے ایک رشتے دار نے بتایا اس کی بہن اپنی ہونے والی بہن کا نام ’روح‘ رکھنا چاہتی تھی۔
خیال رہے کہ اسرائیلی فوج کی رفح میں دو مکانات پر بمباری سے 19 فلسطینی شہید ہوگئے جن میں ایک ہی خاندان کے 14 بچے بھی شامل ہیں۔
مزید خبریں :
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
9 گھنٹے پہلے
غزہ پر اسرائیلی بمباری سے مزید 38 فلسطینی شہید
11 گھنٹے پہلے
مزید 2 ممالک آئندہ سال شینگن ممالک کا حصہ بننے کو تیار
22 نومبر ، 2024
حزب اللہ کے راکٹ حملے میں اسرائیلی شہری ہلاک
22 نومبر ، 2024
