26 اپریل ، 2024 
غزہ سے متعلق جوبائیڈن انتظامیہ کی پالیسیوں پر امریکی محکمہ خارجہ کی خاتون ترجمان مستعفی
26 اپریل ، 2024
واشنگٹن: امریکی محکمہ خارجہ کی خاتون ترجمان نے غزہ کے معاملے پر احتجاجاً استعفیٰ دے دیا۔
العربیہ کی رپورٹ کے مطابق امریکی محکمہ خارجہ میں عربی زبان کی خاتون ترجمان نے غزہ سے متعلق جوبائیڈن انتظامیہ کی پالیسیوں کی مخالفت کرتے ہوئے استعفیٰ دے دیا۔
رپورٹ کے مطابق ہالا رہریت نے 2006 میں بطور پولیٹیکل آفیسر فارن سروس میں شمولیت اختیار کی تھی اور وہ دبئی ریجنل میڈیا میں ڈپٹی ڈائریکٹر کے فرائض بھی انجام دے چکی ہیں۔
سوشل میڈیا پر جاری بیان میں خاتون ترجمان نے کہا کہ وہ اپنی 18 سالہ سروس کے بعد امریکا کی غزہ سے متعلق پالیسی پر استعفیٰ دے رہی ہیں۔
خاتون ترجمان نے غزہ میں امن و استحکام کیلئے ہتھیاروں کی بجائے سفارتکاری کرنے پر زور دیا۔
رپورٹس کے مطابق خاتون ترجمان کا استعفیٰ غزہ میں جاری خونریزی میں امریکا کی جانب سے اسرائیلی کی غیر مشروط حمایت کا نیا سلسلہ ہے۔
اس سے قبل امریکی محکمہ خارجہ میں بیورو آف پولیٹیکل ملٹری افیئرز کے ڈائریکٹر جوش پال نے گزشہ سال اکتوبر میں عہدے سے استعفیٰ دیا تھا جس میں انہوں نے غزہ جنگ امریکا کی جانب سے اسرائیل کو ہتھیاروں کی فراہمی کے فیصلے ناراضی کا اظہار کیا ہے۔
مزید خبریں :
روس کا یوکرین پر اب تک کا سب سے بڑا ڈرون حملہ
9 گھنٹے پہلے
سعودی عرب کے مختلف شہروں میں آج بارش کا امکان، اسکول بند
26 نومبر ، 2024
کینیڈا: زو کیپر کی غفلت سے 2 سالہ گوریلا ہلاک
26 نومبر ، 2024
امریکا کے نومنتخب صدر ڈونلڈ ٹرمپ کے خلاف 6 جنوری کا کیس ختم
26 نومبر ، 2024
اسرائیل اور حزب اللہ کے درمیان جنگ بندی معاہدہ جلد ہونےکا امکان
25 نومبر ، 2024
