غزہ میں اسرائیلی مظالم کیخلاف احتجاج کا دائرہ امریکا کی دیگر یونیورسٹیوں تک پھیل گیا

غزہ کے فلسطینیوں  پر  اسرائیلی مظالم کے خلاف  احتجاج کا دائرہ  امریکا کی دیگر یونیورسٹیوں تک پھیل گیا۔

امریکا کے متعدد کالج کیمپس میں فلسطین کے حق میں مظاہروں میں شدت آگئی، کولمبیا، ہارورڈ، یو ایس سی اور ٹیکساس یونیورسٹی سمیت مختلف جامعات میں مظاہرے کیے گئے۔

یو ایس سی میں پولیس نے طلبا پر لاٹھی چارج کیا، ٹیکساس یونیورسٹی میں بھی ایک صحافی سمیت درجنوں مظاہرین کو گرفتار کرلیا گیا۔

ہارورڈ یونیورسٹی میں بھی فلسطین کےحق میں مظاہرے پریونیورسٹی کی ایکشن لینے کی دھمکی دے دی۔

لاس اینجیلس کی یونیورسٹی آف صدرن کیلی فورنیا میں فلسطین کے حق میں مظاہرکے دوران آزاد فلسطین کے نعرے لگائے گئے، مارچ کے دوران پولیس سے جھڑپ میں ایک شخص کو گرفتار کیا گیا۔

خیال رہے کہ امریکا کی کولمبیا یونیورسٹی میں گزشتہ جمعرات کو  بھی غزہ میں اسرائیلی مظالم کے خلاف احتجاج کیا گیا تھا، یونیورسٹی انتظامیہ کی درخواست پر پولیس نے احتجاج کرنے والے 108 طلبا کو گرفتار کر لیا تھا۔

یونیورسٹی نے غزہ احتجاج میں شامل کئی طلبا کو برطرفیوں کے نوٹس بھی جاری کیےتھے، برطرف طلبا میں رکن کانگریس الہان عمر کی بیٹی بھی شامل تھی۔

امریکی یونیورسٹی میں فلسطین کی حمایت پرطلبا کی برطرفیوں کیخلاف احتجاج پر صورتحال کشیدہ

طلبا کا مطالبہ ہے کہ یونیورسٹی ایسے اداروں میں سے اپنی سرمایہ کاری نکالے جو غزہ میں اسرائیلی جنگ سے منافع کمارہے ہیں

امریکی یونیورسٹی کے طلبہ نے غزہ میں جنگ بندی کیلئے بھوک ہڑتال کردی

غزہ کے لیے بھوک ہڑتال کرنے والے 19 طلبہ میں مسلم اوریہودی طلبہ بھی شامل ہیں