29 اپریل ، 2024 
وائٹ ہاؤس کی میڈیا نمائندگان کیلئے تقریب کے دوران فلسطینیوں کے حق میں مظاہرہ
29 اپریل ، 2024
وائٹ ہاؤس کی میڈیا نمائندوں کیلئے سالانہ ڈنر کی تقریب کے موقع پر غزہ پر اسرائیلی جارحیت کے خلاف اور فلسطینیوں کی حمایت میں بڑا احتجاجی مظاہرہ کیا گیا۔
واشنگٹن کی ہلٹن ہوٹل میں منعقدہ تقریب کے دوران مظاہرین نے ہوٹل کے باہر بائیڈن حکومت اور مغربی میڈیا کے خلاف ’بائیڈن کی میراث نسل کشی ہے‘ کے بینر اٹھاکر ’شرم کرو‘ اور ’حقائق چھپانے والے مغربی میڈیا ہم تمہیں دیکھ رہے ہیں‘ کے نعرے لگائے۔
مظاہرین کی جانب سے واشنگٹن ہلٹن ہوٹل کی کھڑکی سے ایک بڑا فلسطینی پرچم بھی لہرایا گیا۔
غزہ کی حمایت میں ہونے والے اس احتجاج کے باعث صدر بائیڈن ہوٹل کے پچھلے دروازے سے تقریب میں پہنچے، احتجاج کے باوجود صدر بائیڈن نے تقریب میں 10 منٹ کی تقریر کے دوران غزہ میں اسرائیلی جنگ کا کوئی ذکر نہیں کیا۔
مزید خبریں :
ایک اورکشمیری نژاد پاکستانی برطانیہ میں لارڈ بن گیا
8 گھنٹے پہلے
اسرائیل نے اسماعیل ہنیہ کو شہید کرنے کا اعتراف کرلیا
24 دسمبر ، 2024
