30 اپریل ، 2024 
ایف بی آر کی تاجر دوست اسکیم ناکام، ہدف 31 لاکھ اور رجسٹریشن 200 سے بھی کم رہی
30 اپریل ، 2024
فیڈرل بورڈ آف ریونیو (ایف بی آر) کی تاجر دوست اسکیم کے تحت تاجروں کی رجسٹریشن میں مکمل ناکامی کے بعد تاریخ میں توسیع کا امکان ہے۔
تاجر دوست اسکیم کی مکمل ناکامی کے بعد رجسٹریشن کی تاریخ میں توسیع کا امکان ہے جبکہ توسیع کا فیصلہ چیئرمین ایف بی آر وزیراعظم کی مشاورت کے بعد کریں گے۔
گزشتہ روز تک اس سکیم کے تحت تاجروں کی رجسٹریشن کی تعداد 200 سے بھی کم رہی جبکہ ایف بی آر کا 5 بڑے شہروں سے 31 لاکھ تاجروں کی رجسٹریشن کا ہدف تھا۔
تاجر دوست اسکیم میں رجسٹریشن کا آج آخری روز تھا، اس اسکیم میں کراچی، لاہور، پشاور، راولپنڈی، کوئٹہ اوراسلام آباد میں تاجروں کو رجسٹریشن کی سہولت دی گئی تھی۔
تاجر دوست اسکیم کا اطلاق تاجروں اور دکانداروں پر کیا گیا ہے اور تاجروں اور دکانداروں کیلئےکم از کم ایڈوانس ٹیکس 1200روپے مقرر کیا گیا۔
ماہانہ ایڈوانس انکم ٹیکس کی پہلی وصولی کی ڈیڈ لائن 15جولائی 2024 مقرر کی گئی ہے اور اسکیم کے تحت 15 جولائی کے بعد ہر ماہ کی 15 تاریخ کو وصولی ہوگی جبکہ تاجروں کو پورے سال کا ٹیکس یکمشت ادا کرنے پر 25 فیصد رعایت بھی دی گئی ہے۔
تاجروں کو سال 2023 کے گوشوارے جمع کرانے پر بھی 25 فیصد رعایت کی سہولت دی گئی۔ اس اسکیم کا اطلاق چھوٹے تاجروں، دکانداروں، ہول سیلرز، ریٹیلرز، مینوفیکچررز کم ریٹیلرز ، امپورٹر کم ریٹیلرز پر کیا گیا۔ اسکیم کا اطلاق قومی سطح یا بین الاقوامی چین کے ریسٹورنٹ پر نہیں کیا گیا۔
مزید خبریں :
پاکستانی روپے کی قدر میں اضافہ، ڈالر مزید سستا ہوگیا
5 گھنٹے پہلے
روپے کے مقابلے میں ڈالر سستا ہوگیا
21 نومبر ، 2024
سونا مسلسل مہنگا، ایک بار پھر قیمت میں بڑا اضافہ
21 نومبر ، 2024
طیارہ سازی کی صنعت میں پاکستان ایک قدم مزید آگے
21 نومبر ، 2024
