ویڈیو: وزیر اعظم کا پاکستان کے سیٹلائٹ مشن کی روانگی کے مناظر دیکھ کر مسرت کا اظہار

وزیر اعظم شہباز شریف نے پاکستان کے پہلے سیٹلائٹ مشن آئی کیوب قمر کو چاند پر بھیجنے پر قوم اور سائنسدانوں کو مبار کباد دی ہے۔

 پاکستان کا پہلا سیٹلائٹ مشن چاند پر روانہ ہوگیا ہے یہ سیٹلائٹ مشن پاکستانی وقت کے مطابق 2 بج کر 27 منٹ پر خلا میں بھیجا گیا۔

چاند پر پاکستان کا پہلا سیٹلائٹ مشن’آئی کیوب قمر‘چین کے ہینان اسپیس لانچ سائٹ سے روانہ ہوا۔

وزیراعظم شہبازشریف نے سیٹلائیٹ مشن "آئی کیوب قمر" کی روانگی کا ٹی وی پر براہ راست مشاہدہ کیا ۔چین کے شہر ہینان میں "آئی کیوب قمر" کے بلاسٹ آف ہونے کے بعد وزیراعظم نے پرجوش ہو کر تالیاں بجائیں۔

وزیراعظم شہبازشریف نے سیٹلائیٹ مشن "آئی کیوب قمر" بھیجنے پر قوم اور سائنسدانوں کو مبارکباد دی ہے ۔

اپنے ایک بیان میں وزیراعظم نے کہا کہ "آئی کیوب قمر" خلاء میں پاکستان کا پہلا قدم ہے ، جوہری میدان کی طرح یہاں بھی ہمارے سائنسدان، انجینئرز اپنی صلاحیتیں منوا رہے ہیں۔

پاکستان کا پہلا سیٹلائٹ مشن چاند پر روانہ

چاند پر پاکستان کا پہلا سیٹلائٹ مشن’آئی کیوب قمر‘چین کے ہینان اسپیس لانچ سائٹ سے روانہ ہوا

وزیراعظم نے کہا کہ وہ انسٹیٹیوٹ آف اسپیس ٹیکنالوجی کی کورکمیٹی اور اسپارکو کی ٹیم کو خراج تحسین پیش کرتے ہیں ۔

اس کے علاوہ وزیر اعظم نے کہا کہ پاک چین دوستی خوشبوں کی سرحد سے آگے آج خلاوں کی سرحد بھی پار کرچکی ہے ، اس اہم کامیابی سے پاکستان خلا کے با مقصد استعمال کے نئے دور میں داخل ہو گیا ہے ، یہ کامیابی سیٹلائٹ کمیونیکیشن کے شعبے میں پاکستان کی صلاحیتوں کو بڑھائے گی،اللہ تعالیٰ نے چاہا تو 28 مئی 1998 کی طرح خلاؤں اور معاشی بلندی کو بھی پہنچیں گے۔

واضح رہے کہ انسٹی ٹیوٹ آف اسپیس ٹیکنالوجی کے رکن کور کمیٹی ڈاکٹرخرم خورشید نے جیونیوز سے گفتگو میں کہا کہ پاکستان کا سیٹلائٹ مشن 3 سے 6 ماہ تک چاند کے اطراف چکر لگائے گا، سیٹلائٹ کی مدد سے چاند کی سطح کی مختلف تصاویر لی جائیں گی۔