08 مئی ، 2024 
محمد عامرکی آئرلینڈ کیخلاف تین ٹی ٹوئنٹی میچوں میں شرکت مشکوک
08 مئی ، 2024
قومی ٹیم کے فاسٹ بولر محمد عامر کی آئرلینڈ کے خلاف تین ٹی ٹوئنٹی میچوں میں شرکت مشکوک ہوگئی۔
ذرائع کے مطابق اگر جمعرات تک ویزہ نہ مل سکا تو عامر 15مئی کو لیڈز میں ٹیم کو جوائن کریں گے۔
محمد عامر کا کوئی متبادل آئر لینڈ نہیں جائےگا، محمد عامر 2018 میں آئر لینڈ میں ٹیسٹ کھیل چکے ہیں۔
اہم فاسٹ بولر کی عدم شرکت سے پاکستان ٹیم کی ورلڈکپ کی تیاریاں متاثر ہوسکتی ہیں۔ محمد عامر کے ویزہ کے معاملے پر پی سی بی کرکٹ آئرلینڈ سے رابطے میں ہے۔
پی سی بی کے مطابق کاکول کیمپ کے اگلے دن عامر سمیت تمام کھلاڑیوں کے ویزے پراسس کردیے تھے۔
ذرائع کا کہنا ہےکہ محمد عامر کو ویزہ نہ ملنے پر پی سی بی ہیڈ کوارٹر میں بے چینی پائی جاتی ہے۔
خیال رہے کہ آئرلینڈ کے خلاف ٹی ٹوئنٹی سیریز کھیلنے کے لیے پاکستان کرکٹ ٹیم ڈبلن پہنچ گئی ہے۔
پاکستان اور آئرلینڈ کے درمیان تین ٹی ٹوئنٹی انٹرنیشلز 10، 12 اور 14 مئی کو ڈبلن میں کھیلے جائیں گے۔
آئرلینڈ کا دورہ مکمل کرکے پاکستان کرکٹ ٹیم انگلینڈ پہنچے گی جہاں اسے انگلینڈ کے خلاف 4 ٹی ٹوئنٹی انٹرنیشنل میچوں کی سیریز کھیلنا ہے۔
انگلینڈ اور قومی ٹیم کے درمیان کھیلے جانے والے یہ میچ 22 سے30 مئی تک ہوں گے۔
مزید خبریں :
بابر اعظم نے ٹیسٹ کرکٹ میں اہم سنگ میل عبور کر لیا
4 گھنٹے پہلے
کوہلی کو آسٹریلوی بیٹر کو کندھا مارنا بھاری پڑگیا، جرمانہ عائد
26 دسمبر ، 2024
کراچی میراتھون 2025 کیلئے رنرز کی تیاری زور شور سے جاری
26 دسمبر ، 2024
چیمپئنز ٹی ٹوئنٹی کپ کا ٹائٹل اسٹالینز نے جیت لیا
26 دسمبر ، 2024
سابق بھارتی کرکٹر کے والد کو غبن کے جرم میں 7 سال قید کی سزا
26 دسمبر ، 2024
