22 مئی ، 2024 
ایف بی آر کی ہدایت پر نان فائلرز کی 9 ہزار سے زائد سمز بندکردی گئیں
22 مئی ، 2024
اسلام آباد:فیڈرل بیورو آف ریوینیو (ایف بی آر) کے ترجمان کے مطابق ایف بی آر کی ہدایت پر نان فائلرز کی 9 ہزار سے زیادہ سمز بندکردی گئی ہیں۔
ترجمان کا کہنا ہےکہ ٹیلی فون کمپنیوں کے ساتھ گزشتہ روز اجلاس ہوا تھا جس میں ایف بی آر نے سمز بندکرنےکے فیصلے سے موبائل کمپنیوں کو آگاہ کیا۔
ترجمان کا کہنا ہے کہ نان فائلرز کی موبائل فون سمز بند کرنے کا فیصلہ پارلیمنٹ کا ہے، حکومت کے فیصلے پر ہرحال میں عمل درآمد کرنا ہوگا۔
دوسری جانب ذرائع کا کہنا ہےکہ پی ٹی اے نے خود کو سمز بند کرنے کے مسئلے سے علیحدہ کرلیا ہے، پی ٹی اے کا مؤقف ہے اس کے پاس سم بندکرنے کا حکم جاری کرنے کا اختیار نہیں۔
خیال رہےکہ گزشتہ روز بھی نان فائلرز کی 3 ہزار 500 سمز بند کی گئی تھیں۔
ترجمان ایف بی آر نے بتایا تھا کہ 2 ٹیلی کام کمپنیوں کی جانب سے تقریباً 3500 سمزبلاک کی گئیں تاہم ریٹرن فائل کرنے والے شہریوں کی سمز فوری بحال ہوں گی۔
ترجمان ایف بی آر نے بتایا تھا کہ ایک ٹیلی کام کمپنی نے اسلام آباد ہائیکورٹ سے حکم امتناع لےلیا ہے۔
مزید خبریں :
انٹربینک میں ڈالر مہنگا ہوگیا
12 گھنٹے پہلے
ملک میں فی تولہ سونےکی قیمت کتنی ہے؟
23 دسمبر ، 2024
پاور سیکٹر کو مزید 50 ارب روپے سے زائد کی سبسڈی دینے کا فیصلہ
22 دسمبر ، 2024
دو روز کی کمی کے بعد فی تولہ سونا یکدم سیکڑوں روپے مہنگا ہوگیا
21 دسمبر ، 2024
پاکستان میں سونے کی درآمدات تاریخ کی بلند ترین سطح پر پہنچ گئیں
20 دسمبر ، 2024
