23 مئی ، 2024 
پاکستان
نواب شاہ میں آج 51 اور سکھر میں 49 ڈگری جتنی شدت کی گرمی محسوس کی جائے گی/ فائل فوٹو
سندھ، پنجاب سمیت ملک کے مختلف حصوں میں آج بھی ہیٹ ویو کا خدشہ
23 مئی ، 2024
سندھ اور پنجاب سمیت ملک کے مختلف حصوں میں آج بھی ہیٹ ویو کا خدشہ ظاہر کیا جارہا ہے۔
نواب شاہ میں آج 51 اور سکھر میں 49 ڈگری جتنی شدت کی گرمی محسوس کی جائے گی، ملتان میں پارا 47 ڈگری تک جاپہنچے گا جب کہ لاہوریوں کو آج 45، اسلام آباد والوں کو 42 اور پشاور کے باسیوں کو 44 ڈگری کی گرمی برادشت کرنا ہوگی۔
ادھر کراچی میں 38 ڈگری میں 43 ڈگری جیسی گرمی محسوس کی جائے گی جب کہ گلگت میں پارا 38 اور مظفر آباد میں 41 ڈگری تک جانے کا امکان ہے۔
اس کے ساتھ ہی حیدر آباد میں شدید گرمی کی لہر جاری ہے جس کے سبب مفت شربت، چھتریوں، سر ڈھانپنے کےلیے رومال اور فائر بریگیڈ کی گاڑیوں سے پانی برسا کر شہریوں کو ریلیف پہنچانے کا انتظام کیا گیا ہے۔
