برطانوی کوچ تریشن پٹیل نے پاکستان فٹبال ٹیم کو جوائن کرلیا

برطانوی فٹبال کوچ تریشن پٹیل نے اسلام آباد میں پاکستان فٹبال ٹیم کو جوائن کرلیا ہے۔

پاکستان فٹبال فیڈریشن کے ترجمان کے مطابق برٹش انڈین کوچ تریشن پٹیل نے باضابطہ طور پر پاکستان فٹبال اسکواڈ کو جوائن کرلیا ہے، وہ ماضی میں ریموٹلی ٹیم کے ساتھ اپنا کردار ادا کرچکے ہیں تاہم وہ اب فیلڈ پر کوچ اسٹیفین کونسٹنٹائن کے ساتھ کام کریں گے۔

انہیں بطور اسسٹنٹ کوچ اور پرفارمنس اینالسٹ ٹیم کے ساتھ مقرر کیا ہے ۔ وہ سعودی عرب اور تاجکستان کیخلاف میچ کیلئے پاکستان ٹیم کے ساتھ ہوں گے ۔

2006 سے کوچنگ سے وابستہ ہونیوالے تریشن پٹیل انگلینڈ میں مختلف کلبز اور فٹبال ایسوسی ایشن کے پروگرامز میں کوچنگ کرچکے ہیں۔ وہ لیورپول میں انٹرنیشنل اکیڈمی کوچ رہے جبکہ لیوٹن ٹاؤن کے ساتھ وہ کمیونٹی کوچ کی ذمہ داری انجام دے چکے ہیں ۔ حال ہی میں انہوں نے برطانوی کلب برکہمسٹیڈ کے ساتھ کام کیا۔

پی ایف ایف کی فیفا ورلڈ کپ کوالیفائر نیوٹرل وینیو سے بچانے کیلئے کوششیں

پاکستان فٹبال فیڈریشن پاکستان اور سعودی عرب کے درمیان میچ جلد کرانے پر غور کر رہی ہے: ذرائع

پاکستان فٹبال ٹیم فیفا ورلڈ کپ کوالیفائر میں اگلا میچ 6 جون کو اسلام آباد میں سعودی عرب کیخلاف کھیلے گی جبکہ 11 جون کو وہ تاجکستان سے اپنا آخری کوالیفائر میچ اووے گراؤنڈ پر کھیلے گی۔