25 مئی ، 2024 
پاکستان
عوام پھل اور سبزیاں دھو کراستعمال کریں، ہاتھ بھی صاف رکھیں، باہر کی غیر معیاری غذا اورتلی ہوئی چیزیں نہ کھائیں: ماہرین صحت/ فائل فوٹو
کراچی میں گرمی بڑھتے ہی گیسٹرو کے کیسز میں اضافہ
25 مئی ، 2024
کراچی میں گرمی کی شدت بڑھنے پر اسپتالوں میں گیسٹرو کے کیسز میں اضافہ ہونے لگا۔
جناح اسپتال انتظامیہ کے مطابق اسپتال میں گیسٹرو سے شدید متاثرہ مریضوں کےکیسز سامنے آرہے ہیں جہاں روزانہ گیسٹرو کے 45 سے 50 مریض آرہے ہیں۔
دوسری جانب اس حوالے سے ماہرین صحت کا کہنا ہے کہ پانی اور نمکیات کی کمی بڑھ جائے تو گردے فیل ہونے کا خدشہ ہوتا ہے، پانی اور نمکیات کی کمی سے جسم میں انفیکشن پھیلنے کابھی خدشہ ہوتا ہے۔
ماہرین صحت نے کہا کہ عوام پھل اور سبزیاں دھو کراستعمال کریں، ہاتھ بھی صاف رکھیں، باہر کی غیر معیاری غذا اورتلی ہوئی چیزیں نہ کھائیں، سبزیاں اور پھل زیادہ سےزیادہ کھائیں۔
