مجھ پر قاتلانہ حملہ شوہر نے کرایا: سابق ماڈل و اداکارہ زینب جمیل کا الزام

لاہور: قاتلانہ حملے میں زخمی ہونے والی سابق ماڈل و اداکارہ زینب جمیل کا ویڈیو بیان سامنے آگیا۔

ویڈیو بیان میں زینب جمیل نے کہا کہ مجھ پر قاتلانہ حملہ میرے شوہر نے کرایا کیونکہ  میرا شوہر 2 ماہ سے مجھے دھمکیاں دے رہا تھا۔

لاہور: قاتلانہ حملے میں سابق اداکارہ و ماڈل سخت زخمی، نامعلوم ملزمان کیخلاف مقدمہ درج

’ملزمان کو نہیں جانتی تاہم شوہر کیساتھ دو سال سے اختلافات چل رہے ہیں‘ اپنے بیان میں سابق ماڈل و اداکارہ نے اپنے خاوند پر بھی شبہ ظاہر کردیا ہے

انہوں نےکہا کہ مجھے دھمکی آمیزپیغامات بھی دیے گئے تھے، میرے پاس ثبوت ہیں، پولیس کی تفتیش سے مطمئن نہیں ہوں۔

زینب جمیل کا کہنا تھا کہ میری جان کو خطرہ ہے اور میری مدد کی جائے، آئی جی پنجاب نوٹس لیں اور میری تفتیش کو شفاف بنایا جائے۔