جوان افراد میں فالج کی شرح میں اضافہ ہوا ہے، تحقیق

فالج ایسا مرض ہے جس کو عموماً معمر افراد سے منسلک کیا جاتا ہے مگر جوان افراد میں اس کی شرح بڑھ رہی ہے۔

یہ بات امریکا میں ہونے والی ایک طبی تحقیق میں سامنے آئی۔

جرنل Morbidity and Mortality Weekly Report میں شائع تحقیق میں بتایا گیا کہ 2011 سے 2022 کے دوران 18 سے 44 سال کی عمر کے افراد میں فالج کے کیسز کی شرح میں 14.6 فیصد جبکہ 45 سے 64 سال کی عمر کے افراد 15.7 فیصد اضافہ ہوا۔

اس عرصے میں ہر عمر کے افراد میں فالج کے کیسز کی شرح میں 7.8 فیصد اضافہ دیکھنے میں آیا۔

روزانہ چند ہزار قدم چلنا صحت کیلئے زیادہ مفید ہے یا ہر ہفتے 150 منٹ ورزش کرنا؟

یا واقعی ورزش کے منٹ قدموں کی تعداد کے مقابلے میں صحت کے لیے زیادہ بہتر ہوتے ہیں؟

محققین نے جوان افراد میں فالج کی شرح میں اضافے کی ممکنہ وجوہات پر بھی روشنی ڈالی ہے۔

انہوں نے بتایا کہ امریکا میں موٹاپے اور درد کش ادویات کے بہت زیادہ استعمال کے باعث جوان افراد میں فالج کے کیسز کی شرح میں اضافہ ہوا ہے۔

1999 سے 2018 کے دوران امریکا میں مردوں میں موٹاپے کی شرح 27.5 فیصد سے بڑھ کر 43 فیصد جبکہ خواتین میں 41.9 فیصد تک پہنچ گئی۔

کم پانی پینے کی عادت کا بڑا نقصان دریافت

جسم میں پانی کی معمولی کمی یا ڈی ہائیڈریشن سے دماغی کارکردگی پر منفی اثرات مرتب ہوتے ہیں۔

40 سے 59 سال کی عمر کے افراد میں موٹاپے کی شرح سب سے زیادہ 44.8 فیصد ہے۔

تحقیق میں بتایا گیا کہ 2006 سے 2015 کے دوران 45 سال سے کم عمر افراد میں فالج کے باعث اسپتال داخلے کی شرح میں اضافہ ہوا۔

محققین کے مطابق وجوہات کی شناخت کو سمجھنے سے ہمیں اس کے پھیلاؤ کی روک تھام میں مدد ملے گی جبکہ مریضوں کے لیے بہترین علاج فراہم کرنا بھی ممکن ہوگا۔

دنیا بھر میں مردوں میں بانجھ پن کی بڑھتی شرح کی ممکنہ وجہ دریافت

طبی ماہرین کے خیال میں اس دریافت سے دنیا بھر میں مردوں میں اسپرم کاؤنٹ کی کمی کی وضاحت ہوتی ہے۔

خیال رہے کہ فالج ایسا مرض ہے جو دنیا بھر میں اموات کی ایک بڑی وجہ ہے۔

فالج کے شکار فرد کا فوری علاج نہ ہو تو موت کا خطرہ بہت زیادہ بڑھ جاتا ہے اور یہی وجہ ہے کہ اس کا خطرہ بڑھانے والے عناصر اور علامات پر نظر رکھنا ضروری ہے۔