31 مئی ، 2024 
ٹوئٹ ڈیک جیسا فیچر تھریڈز کے تمام صارفین کیلئے متعارف
31 مئی ، 2024
ایلون مسک نے تو ٹوئٹ ڈیک کو عام افراد کی پہنچ سے دور کر دیا ہے مگر میٹا کے سوشل میڈیا پلیٹ فارم تھریڈز میں اب آپ اس جیسے فیچر کو مفت استعمال کر سکیں گے۔
جی ہاں تھریڈز کا ویب ورژن اب صارفین کے لیے زیادہ کارآمد ہو جائے گا۔
میٹا کی جانب سے ٹوئٹ ڈیک جیسے فیچر کو صارفین کے لیے متعارف کرا دیا گیا ہے۔
مئی کے شروع میں مختلف رپورٹس میں اس فیچر کی آزمائش کے بارے میں بتایا گیا تھا اور اب اسے تمام صارفین کے لیے متعارف کرا دیا گیا ہے۔
کمپنی کی جانب سے تو اس کا کوئی نام نہیں رکھا گیا مگر صارفین نے اسے تھریڈز ڈیک قرار دیا ہے۔
تھریڈز ڈیک کے ذریعے آپ تھریڈز ہوم پیج پر 100 مختلف فیڈز کو پن کر سکتے ہیں جو کالم کی شکل میں نظر آئیں گی۔
تمام کالم خودکار طور پر اپ ڈیٹ ہوں گے تاکہ نئی پوسٹس کو تلاش کرنے میں مشکل نہ ہو۔
خیال رہے کہ ٹوئٹ ڈیک جسے اب ایکس پرو کا نام دیا گیا ہے، تک رسائی ماہانہ فیس ادا کرنے والے صارفین کے لیے ہی ممکن ہے۔
یہی وجہ ہے کہ میٹا کو توقع ہے کہ اس نئے اضافے سے ایکس کے مزید صارفین تھریڈز کا رخ کر سکتے ہیں۔
اس فیچر سے یہ عندیہ بھی ملتا ہے کہ میٹا کی جانب سے تھریڈز کو رئیل ٹائم انفارمیشن کے حصول کا زیادہ قابل اعتبار ذریعہ بنانے کی کوشش کی جا رہی ہے۔
اس سے قبل کمپنی کی جانب سے ریسنٹ ٹیب اور سرچ میں ٹرینڈنگ ٹاپکس جیسے فیچرز بھی متعارف کرائے گئے تھے۔
مگر بیک وقت متعدد فیڈز میں اپ ڈیٹس کو ٹریک کرنا صارفین کے لیے زیادہ کارآمد ہوگا۔
مزید خبریں :
انسٹا گرام میں اب واٹس ایپ کی طرح لائیو لوکیشن شیئرنگ ممکن
26 نومبر ، 2024
میٹا نے فیس بک میسنجر میں متعددد نئے فیچرز متعارف کرا دیے
24 نومبر ، 2024
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
