31 مئی ، 2024 
ملک کے میدانی علاقوں میں آج بھی گرمی کی شدت برقرار، جیکب آباد میں پارہ 50 ڈگری ریکارڈ
31 مئی ، 2024
ملک کے بیشتر میدانی علاقوں میں آج بھی گرمی کی شدت برقرار رہی، ، آج سب سے زیادہ درجۂ حرارت جیکب آباد میں 50 ڈگری سینٹی گریڈ ریکارڈ کیا گیا۔
ملک بھر میں شدید گرمی کی لہر جاری ہے، کئی شہروں میں پارہ 50 ڈگری کے قریب پہنچ گیا جبکہ جیکب آباد میں 50 ڈگری سینٹی گریڈ ریکارڈ کیا گیا۔
اس کے علاوہ دادو، لاڑکانہ، تربت اور سبی میں آج 49 ڈگری سینٹی گریڈ ریکارڈ کیا گیا۔
سکھر اوربہاولپور میں درجہ حرارت 47، نواب شاہ، ساہیوال، جہلم، ملتان اور سرگودھا 46 ، حیدرآباد، فیصل آباد اور ڈیرہ اسماعیل خان 45 ، گوادر اوربنوں 44، مٹھی میں 43 ڈگری ریکارڈ کیا گیا۔
لاہور میں 42 ڈگری کی گرمی 47،کراچی میں 34 ڈگری کی گرمی 42، اسلام آباد میں 39 ڈگری کی گرمی 41 اور پشاور میں 40 ڈگری محسوس کی گئی۔
لاہور میں ہیٹ ویو سےبچاؤ کے لیے مویشی منڈیوں کو ہدایات جاری کر دی گئی ہے۔
محکمہ موسمیات کے مطابق کراچی میں 2 جون سے درجہ حرارت میں کمی کی پیشگوئی ہے۔
ادھر آزاد کشمیر کی وادی نیلم اور اطراف میں گرج چمک کے ساتھ بارش سے گرمی کی شدت میں کمی ہوگئی۔
