31 مئی ، 2024 
کراچی: گرمی میں لوڈشیڈنگ سے شہری دوہرے عذاب کا شکار، 16 گھنٹے بجلی غائب
31 مئی ، 2024
کراچی میں گرمی میں بجلی کی لوڈشیڈنگ سے شہری دوہرے عذاب کا شکار ہیں ،شہر کے مختلف علاقوں میں 14 سے 16 گھنٹے کی لوڈشیڈنگ جاری ہے۔
ملک بھر میں شدید گرمی کی لہر جاری ہے، کئی شہروں میں پارہ 50 ڈگری کے قریب پہنچ گیا، دادو، لاڑکانہ، تربت اور سبی میں آج سب سے زیادہ 49 ڈگری سینٹی گریڈ ریکارڈ کی گیا۔
گرمی میں بجلی کی لوڈشیڈنگ سے شہریوں کاجینا محال ہوگیا ہے، کراچی کے مختلف علاقوں میں 14 سے 16 گھنٹے کی لوڈشیڈنگ جاری ہے۔
جامشورو میں16 گھنٹے سے زائد لوڈ شیڈنگ کے خلاف شہریوں نے حیسکو آفس کے باہر احتجاج کرتے ہوئے غیر اعلانی لوڈشیڈنگ ختم کرنے کا مطالبہ کیا۔
اس کے علاوہ لاہور ضلع کے ہائی لاسز فیڈرز اور چھوٹے شہروں میں 3 سے 5 گھنٹے بجلی بند کی جا رہی ہے۔
دوسری جانب خیبر پختونخوا حکومت نے بجلی لوڈ منیجمنٹ پلان جاری کر دیا ہے جس کے مطابق لائن لاسز والے 50 فیڈرز پر لوڈشیڈنگ کا دورانیہ 18 گھنٹے ہوگا۔
