حیدرآباد میں سلنڈر دھماکے کے مزید 2 زخمی سول اسپتال کراچی میں دم توڑ گئے

حیدرآباد میں سلنڈر دھماکے کے 2  اور  زخمی آج سول اسپتال کراچی کے برنس وارڈ میں دوران علاج دم توڑ گئے، واقعے میں جاں بحق افراد کی تعداد 9 ہوگئی۔

اسپتال انتظامیہ کے مطابق 14 زخمی زیر علاج ہیں جن میں سے 8 زخمیوں کی حالت تشویش ناک ہے۔

حیدرآباد:گیس سلنڈر کی دکان میں دھماکے سے3 افراد جاں بحق، خواتین، بچوں سمیت 57 افراد زخمی

زخمی ہونے والوں میں خواتین اور بچے بھی شامل ہیں، متعدد زخمیوں کو کراچی اسپتال منتقل کر دیا گیا ہے۔

خیال رہےکہ 2 روز قبل حیدرآباد کے علاقے پریٹ آباد میں گیس سلنڈر کی دکان میں دھماکا ہوا تھا جس کے بعد آگ بھڑک اٹھی تھی۔

آتشزدگی کےباعث دکان میں موجود سلنڈر دھماکوں سے پھٹ گئے تھے، دھماکے اور آتشزدگی سےآس پاس کی عمارتوں کو بھی نقصان پہنچا تھا۔

حیدرآباد میں واقعے کے بعد آج بھی فضا سوگوار  رہی اور علاقے میں کاروبار  اور دکانیں بند رہیں۔