کراچی میں ڈکیتی مزاحمت پر ڈاکوؤں نے ایک اور نوجوان کی جان لے لی

کراچی میں ڈاکوؤں نے ایک اور نوجوان کی جان لے لی، کورنگی کے علاقے ناصر جمپ کے قریب ڈکیتی مزاحمت پر فائرنگ سے 20 سال کا عبدالباسط جاں بحق ہوگیا۔

کوئٹہ سے تعلق رکھنے والے مقتول عبدالباسط کے رشتے داروں نے بتایا کہ باسط چپلوں کا ٹھیلا لگاتا تھا، باسط نے ڈاکوؤں کو پیسے اور موبائل فون دے دیے تھے پھر بھی ڈاکوؤں نے اسے گولی ماردی۔

کراچی میں ڈکیتی کے دوران ایک اور نوجوان قتل، ویڈیو سامنے آگئی

جرائم کے خلاف ناقص کارکردگی پر ایس ایچ او گلشن اقبال معطل ہوگئے، ان کے خلاف محکمانہ انکوائری کے احکامات جاری کر دیے گئے

پولیس کے مطابق کورنگی کراسنگ کے قریب ایک اور  واردات کے دوران شہریوں نے دو ڈاکوؤں کو  پکڑ لیا اور تشدد کے بعد شدید زخمی حالت میں پولیس کے حوالے کیا، پولیس کے حوالے کیے گئے ڈاکو عبدالباسط کے قتل میں ملوث نہیں۔

پولیس کے مطابق شہریوں کے تشدد سے شدید زخمی ایک ڈاکو دم توڑ گیا جبکہ دوسرے کی حالت تشویشناک ہے۔

دوسری جانب سے ایف سی ایریا اور رنچھوڑ لائن میں مبینہ پولیس مقابلے میں 3 ڈاکو ہلاک ہوگئے۔