ناچنے والے گھوڑے میدانوں میں نہیں دوڑتے، گورنر کے پی کا علی گنڈاپور کو جواب

 گورنر خیبر پختونخوا فیصل کریم کنڈی اور  وزیر اعلیٰ کے پی  علی امین گنڈاپور  ایک بار  پھر آمنے سامنے  آگئے۔

گزشتہ روز سوات میں جلسے سے خطاب میں وزیراعلیٰ خیبر  پختونخوا علی امین گنڈا پور نے مزید ٹیکس دینے سے انکار کرتے ہوئے صوبے میں ٹیکس کی بات کرنے والوں کو دھمکی دی تھی۔

انہوں نے دھمکی دیتے ہوئے کہا کہ خیبرپختونخوا میں مزید ٹیکس نہیں لگانے دیں گے، آؤ گے پیروں پر اور جاؤ گے کندھوں پر۔

’آؤ گے اپنے پیروں پر، جاؤ گے کاندھے پر‘، علی امین کا مزید ٹیکس دینے سے انکار

قبضہ مسلط کرنے والے اور مینڈیٹ چوری کرنے والے پاکستان میں کہیں نہیں چھپ سکیں گے: وزیراعلیٰ خیبرپختونخوا کا سوات میں جلسے سے خطاب

علی امین گنڈا پور کی اس دھمکی پر گورنر کے پی فیصل کریم کنڈی بھی جواب دیے بغیر رہ نہ سکے اور کہا کہ ناچنے والے گھوڑے میدانوں میں نہیں دوڑتے۔

انہوں نے کہا کہ جس پر اپنے صوبائی وزیر کے قتل کا کیس ہو اس کو کون رشتے دار کہے گا؟ جس پر 9 مئی کے واقعات کے الزامات ہوں اس کو کون رشتے دار کہے گا؟ اچھا ہوا وزیراعلیٰ نے کہہ دیا کہ وہ میرے رشتے دار نہیں، کوئی اچھا کام بتا دیں جو وزیراعلیٰ نے کیا ہو۔