تصاویر: جنگ زدہ غزہ میں ملبے کے ڈھیر پر فلسطینیوں کی نمازِ عید

غزہ کی پٹی کے مکین عید الاضحٰی کا پہلا دن اسرائیلی جنگ کے نتیجے میں انسانی مصائب کے درمیان منارہے ہیں۔

اسرائیل کے بڑھتے مظالم کے باوجود غزہ کے شہریوں کے حوصلے بلند ہیں، غزہ میں شہریوں نے تباہ شدہ عمارتوں کے ملبے کے درمیان نماز عید اداکی۔

غزہ کے علاقے خان یونس میں نماز عید ادا کرنے والے محمود عبد الجواد نے غیر ملکی خبررساں ادارے سے بات کرتے ہوئے کہا کہ ’اس عید پر قربانی کے جانور نہیں ہیں، اب ہم خود کو قربان کررہے ہیں، ہم اپنے جسموں کو قربان کررہے ہیں۔

گزشتہ روز یوم عرفہ کے موقع پر بھی فلسطینیوں نے اپنے بلند عزم کا اظہار کیا اور تباہ حال گلیوں سے گزرتے بچوں نے تکبیرات پڑھیں۔

یوم عرفہ پر غزہ میں نقل مکانی کے مراکز میں قرآن خوانی کا اہتمام بھی کیا گیا۔

دشمن ارض فلسطین میں خونریزی اور فساد برپا کرنا چاہتا ہے، خطبہ حج میں امام کی دعا

دشمن فلسطینیوں کے لوگوں تک اشیائے ضروری، غذائی امداد، دوائیاں اور کپڑے پہنچنے نہیں دے رہا: امام کعبہ کی دعا

یوم عرفہ پر غزہ کے معصوم بچوں کی لبیک اللھم لبیک کی صداؤں کی ویڈیو وائرل

غزہ کے معصوم بچوں کی لبیک اللھم لبیک کی صداؤں نے سماں باندھ دیا۔