سانگھڑ میں اونٹ کی ٹانگ کاٹنے کا معاملہ، 2 ملزمان نے جرم کا اعتراف کرلیا

سانگھڑ: اونٹ کی ٹانگ کاٹنے کے الزام میں گرفتار 6 ملزمان کو عدالت میں پیش کردیاگیا ہے۔

عدالت نے تمام ملزمان کا مزید دو روزہ جسمانی ریمانڈ دے دیا ہے۔

تفتیشی افسر کے مطابق ملزمان سے دو کلہاڑیاں بھی برآمد کرلی گئی ہیں اور دو ملزمان نے جرم کا اعتراف بھی کرلیا ہے۔

خیال رہے کہ گزشتہ ہفتے سانگھڑ میں سنگ دل وڈیرے نے اپنے کھیت میں داخل ہونے پر اونٹ کی ٹانگ کاٹ دی تھی۔ 

وڈیرے نے پہلے ملازمین کے ہمراہ اونٹ پر تشدد کیا اور پھر تیز دھار آلے سے اونٹ کی ٹانگ کاٹ دی۔

وڈیرے کے ظلم کا شکار اونٹ کراچی منتقل، مصنوعی ٹانگ لگائی جائے گی

اونٹ کو گزشتہ روز کراچی منتقل کر دیا گیا ہے: ڈپٹی کمشنر سانگھڑ

ویڈیو: سانگھڑ میں کھیت میں داخل ہونے پر وڈیرے نے اونٹ کی ٹانگ کاٹ دی

سانگھڑ پولیس نے اونٹ کی ٹانگ کاٹنے والے بااثر وڈیرے کے خلاف مقدمہ درج کرنے کے بجائے نامعلوم افراد کے خلاف مقدمہ درج کرلیا