22 جون ، 2024 
وقت آگیا ہے بابر ، شاہین اور دیگر سینئرز کو اب آرام کروایا جائے: عثمان شنواری
22 جون ، 2024
پاکستان کے ٹیسٹ فاسٹ بولر عثمان خان شنواری نے بھی ٹی ٹوئنٹی ورلڈکپ میں قومی ٹیم کی ناقص پرفارمنس کے بعد سینئر کرکٹرز کو آرام کروانے کا مشورہ دیدیا۔
بائیں ہاتھ کے ٹیسٹ فاسٹ بولر عثمان خان شنواری ان دنوں امریکی ریاست ہیوسٹن میں کلب کرکٹ کھیل رہے ہیں، 30 سال کے عثمان شنواری نے پاکستان کے لیے ایک ٹیسٹ 16 ون ڈے اور 17 ٹی 20 کھیلے ہیں۔
ورلڈ کپ میں قومی ٹیم کی ناقص پرفارمنس پر بات چیت کرتے عثمان شنواری نے کہا کہ اب وقت آگیا ہے کہ کپتان بابر اعظم، شاہین آفریدی اور دیگر سینئرز کو آرام کروایا جائے، پاکستان کرکٹ میں نئے اور نوجوان کھلاڑیوں کو موقع ملنا چاہیے لیکن یہ اسی وقت ممکن ہوگا جب سینئرز ، جونیئرز کے لیے راستہ فراہم کریں گے۔
عثمان شنواری نے گلہ کیا کہ پاکستان کرکٹ صرف 15 کھلاڑیوں تک محدود ہو کر رہ گئی ہے، یہ کھلاڑی زمبابوے، بنگلا دیش اور آئرلینڈ کے خلاف بھی باہر نہیں بیٹھ رہے، پھر نئے کھلاڑیوں کو کب اور کہاں موقع ملے گا۔
ان کا کہنا تھا ڈومیسٹک کرکٹرز کو موقع ملنا چاہیے، مواقع نہ ملنے کی وجہ سے کرکٹرز ملک چھوڑ کر جانے پر مجبور ہیں۔
ٹیسٹ فاسٹ بولر کا کہنا تھا ان کی کرکٹ ابھی باقی ہے، البتہ انہیں نہیں معلوم کہ وہ ٹیم سے کیوں باہر ہیں۔
مزید خبریں :
ویرات کوہلی نے سنچریوں کی سنچری بناکر اہم سنگ میل عبور کر لیا
24 نومبر ، 2024
