ٹیکسوں کی بھرمار پر حکومتی رکن ایف بی آر حکام پر برس پڑیں

اسلام آباد: ٹیکس لگانے والی حکومت کی اپنی ممبر سینیٹ انوشے رحمان فیڈرل بورڈ  آف ریونیو (ایف بی آر) حکام پر  برس پڑیں۔ 

سینیٹ کی قائمہ کمیٹی برائے خزانہ کے اجلاس میں حکمران جماعت مسلم لیگ ن کی سینیٹر  انوشے رحمان نے  ایف بی آر حکام پر کڑی تنقید کرتے ہوئے کہا کہ بازار جایا کریں اور دودھ، مرغی خریدا کریں، آپ یہ چیزیں خریدیں گے تو آپ میں ہمدردی پیدا ہوگی، جب آپ بھی یہ چیزیں نہیں خرید سکیں گے تب آپ کو احساس ہو گا۔

اجلاس میں انوشے رحمان نے پوچھا کہ کیا قبر پر بھی ٹیکس لگایا جا رہا ہے؟ اس پر سینیٹر فاروق ایچ نائيک نے لقمہ دیا کہ وہ وقت بھی دور نہیں جب قبر پر بھی ٹیکس لگے گا، ابھی آئی ایم ایف کو اس کا پتا نہیں۔

انہوں نے کہا کراچی میں قبر کھودنے والے گورکن پر بھی ٹیکس لگنا چاہیے۔

ابھی آئی ایم ایف کو پتا نہیں، ورنہ وہ وقت دور نہیں جب قبروں پر بھی ٹیکس لگے گا: فاروق نائیک

آئی ایم ایف کے دباؤ پر ہر چیز پر ہی ٹیکس لگایا جا رہا ہے، قبر کھودنے والے گورکن پر بھی ٹیکس لگنا چاہیے: سینیٹر فاروق ایچ نائیک کا طنز

آئندہ ماہ سے آٹا، دال، چاول، چینی اور مصالحوں پر 18 فیصد سیلز ٹیکس عائد ہوگا: چیئرمین ایف بی آر

دودھ کی کمپنیوں نے صارفین پر مزید بوجھ بڑھایا مگر حکومت کو کچھ دینے کو تیار نہیں: چیئرمین کی قائمہ کمیٹی کو بریفنگ