23 جون ، 2024 
غزہ: اسرائیلی بمباری سے گزشتہ 24 گھنٹوں میں 50 سے زائد فلسطینی شہید
23 جون ، 2024
غزہ: اسرائیلی طیاروں کی جانب سے رفح اور شمالی غزہ کے رہائشی علاقوں میں شدید بمباری کے نتیجے میں گزشتہ 24 گھنٹوں میں 50 سے زائد فلسطینی شہید ہوگئے ہیں۔
حماس کے جوابی وار میں رفح میں اسرائیلی فوجیوں اور گاڑیوں کو نشانہ بنایا گیا جبکہ جنوبی لبنان سے حزب اللہ نے بھی اسرائیلی فوجی تنصیبات پر حملے کیے۔
غزہ کی وزارت صحت کے مطابق 7 اکتوبر 2023 سے جاری بد ترین اسرائیلی جارحیت کے نتیجے میں غزہ میں اب تک 37 ہزار 598 افراد شہید ہوچکے ہیں جن میں اکثریت بچوں اور عورتوں کی ہے۔
غزہ کی وزارت صحت کے اعداد و شمار کے مطابق اس دوران زخمی ہونے والے فلسطینیوں کی تعداد 86 ہزار سے تجاوز کرچکی ہے۔
دوسری جانب حزب اللہ کے ساتھ تنازع سے متعلق امریکی حکام سے بات چیت کے لیے اسرائیلی وزیر دفاع واشنگٹن روانہ ہوگئے ہیں۔
اسرائیلی وزیر دفاع امریکا میں سیکرٹری آف اسٹیٹ، وزیر دفاع اور سی آئی اے کے ڈائریکٹر سے ملاقاتیں کریں گے۔
مزید خبریں :
دبئی میں لاپتہ اسرائیلی مذہبی رہنما کی لاش مل گئی
9 گھنٹے پہلے
ایلون مسک کی دولت ریکارڈ 348 ارب ڈالرز تک پہنچ گئی
24 نومبر ، 2024
