24 جون ، 2024 
پاکستان
امتحانی پرچوں کے بنڈل میں 52 طلبہ کے پیپر موجود تھے: ذرائع لاہور بورڈ/فوٹوفائل
لاہور تعلیمی بورڈ سے امتحانی پرچوں کا بنڈل غائب، امتحانات کی سیکریسی پر سوال اٹھ گئے
24 جون ، 2024
لاہور تعلیمی بورڈ کے مارکنگ سینٹر سے امتحانی پرچوں کا بنڈل مبینہ طور پر غائب ہو گیا۔
لاہور تعلیمی بورڈ کے ذرائع کے مطابق پارٹ ون کے سوشیالوجی کے پرچوں کا بنڈل مارکنگ سینٹر سے غائب ہوا جس میں 52 طلبہ کے پیپر موجود تھے۔
لاہور بورڈ کے ذرائع کا کہنا ہے کہ امتحانی پرچے 2 روز قبل غائب ہونے کی شکایت سامنے آئی تھی، امتحانی پرچوں کے غائب ہونے کی انکوائری کی جا رہی ہے۔
لاہور بورڈ کے ذرائع کے مطابق بنڈل کی چوری نے شعبہ امتحانات کی سیکریسی پر سوال اٹھا دیئے ہیں۔
دوسری جانب پنجاب ٹیچرز یونین کا کہنا ہے کہ اساتذہ نے معاملے کی آزادانہ انکوائری کا مطالبہ کر دیا ہے، انکوائری کیلئے ایجوکیشن ڈپارٹمنٹ کے علاوہ باہر سے کوئی انکوائری آفیسر تعینات کیا جائے۔
