07 فروری ، 2013 
الیکشن کمیشن کی کوئی آئینی حیثیت نہیں، ڈاکٹر طاہر القادری
07 فروری ، 2013
لاہور … پاکستان عوامی تحریک کے سربراہ ڈاکٹر طاہر القادری نے کہا ہے کہ الیکشن کمیشن کی کوئی آئینی حیثیت نہیں، اگر الیکشن میں جانے کا فیصلہ کیا تو ایسی قوتوں کے ساتھ مل کر چلیں گے جو جمہوریت کو حقیقی طور پر مضبوط بنائیں گی۔ الیکشن کمیشن کی تشکیلِ نو کے حوالے سے اسلام آباد سپریم کورٹ میں رٹ دائر کرنے کے بعد واپس لاہور ایئر پورٹ پہنچنے پر میڈیا سے گفتگو کرتے ہوئے انہوں نے کہا کہ ان کے کیس کی تعبیر و تشریح کرنا سپریم کورٹ کا حق ہے، اگر سپریم کورٹ نے ان کے حق میں فیصلہ نہ دیا تو وہ اس کو نا صرف تسلیم کریں گے بلکہ اس کا عملی مظاہرہ بھی کریں گے۔ ڈاکٹر طاہر القادری نے کہا کہ وہ الیکشن کا التو انہیں چاہتے تاہم انتخابات میں دھاندلی ملک توڑنے کا سبب بن سکتی ہے۔ ان کا کہنا تھا کہ فوج اور سپریم کورٹ ملک میں جمہوریت کا دفاع چاہتے ہیں۔ ایک سوال کے جواب میں طاہر القادری کا کہناتھا کہ میٹروبس سروس بھی پری پول رگنگ ہے، بعض لوگوں نے پنجاب بھر کے فنڈز لاہور پر خرچ کر دیئے۔
مزید خبریں :
’دل کا رشتہ ‘کس طرح خواتین کو خود مختار بنا رہی ہے؟
4 گھنٹے پہلے
پاک بحریہ نے سمندر میں زخمی بھارتی عملے کو بچا لیا
10 گھنٹے پہلے
