زیادہ تر افراد کی پسندیدہ وہ غذا جو انزائٹی جیسے عام مرض کا شکار بناسکتی ہے

انزائٹی ایک ایسا عارضہ ہے جو موجودہ عہد میں بہت زیادہ عام ہوتا جا رہا ہے اور ایسا اکثر آپ کی ایک پسندیدہ غذا کی وجہ سے ہوتا ہے۔

یہ بات ایک نئی طبی تحقیق میں سامنے آئی۔

جرنل بی ایم سی بائیولوجیکل ریسرچ میں شائع تحقیق میں بتایا گیا ہے کہ موجودہ عہد میں فاسٹ یا جنک فوڈ کا استعمال بہت زیادہ ہو رہا ہے اور اس کے نتیجے میں انزائٹی سے متاثر ہونے کا خطرہ بڑھتا ہے۔

تحقیق کے مطابق زیادہ چکنائی والی غذاؤں کے استعمال سے موٹاپے کا خطرہ بڑھتا ہے اور موٹاپے کے شکار افراد میں انزائٹی سمیت دیگر ذہنی امراض سے زیادہ متاثر ہوتے ہیں۔

پانی کی بوتلوں کو دن بھر ہاتھ میں لے کر گھومنے کا نقصان جانتے ہیں؟

سورج کی روشنی میں پانی کی بوتلوں سے زہریلے کیمیکلز کا اخراج ہوسکتا ہے۔

تحقیق میں مزید بتایا گیا کہ جنک فوڈ کے استعمال سے ہمارے معدے میں موجود بیکٹریا کا توازن بدلتا ہے اور یہ بیکٹریا موٹاپے سے جڑے میٹابولک عناصر پر اثرانداز ہوتے ہیں جس سے انزائٹی جیسے مرض کا خطرہ بڑھتا ہے۔

امریکا کی کولوراڈو یونیورسٹی کی اس تحقیق میں چوہوں پر تجربات کیے گئے تھے۔

چوہوں کے 2 گروپس بنائے گئے، جن میں سے ایک گروپ کو 9 ہفتوں تک روزانہ ایسی غذائیں استعمال کرائی گئی جن کی 11 فیصد کیلوریز چکنائی پر مشتمل تھی جبکہ دوسرے گروپ میں چکنائی پر مبنی کیلوریز کی مقدار 45 فیصد تھی۔

محققین کی جانب سے غذاؤں سے جسم میں آنے والی تبدیلیوں کا مشاہدہ بھی کیا گیا۔

دنیا کے ایک تہائی بالغ افراد جسمانی فٹنس سے محروم ہیں، تحقیق

2022 میں 31 فیصد یا ایک ارب 80 کروڑ بالغ افراد نے جسمانی سرگرمیوں سے گریز کیا۔

نتائج سے معلوم ہوا کہ زیادہ چکنائی والی غذاؤں کا استعمال کرنے چوہوں کے جسمانی وزن اور چربی میں اضافہ ہوا جبکہ معدے میں صحت کے لیے مفید بیکٹریا کی تعداد گھٹ گئی۔

اسی طرح ان کے جینز میں ایسی تبدیلیاں آئیں جو تناؤ اور انزائٹی سے جڑی ہوئی تھیں۔

محققین کے مطابق نتائج سے عندیہ ملتا ہے کہ زیادہ چکنائی والی غذاؤں سے جسمانی چربی اور وزن میں اضافہ ہوتا ہے جبکہ دماغ میں تبدیلیاں آتی ہیں جن سے انزائٹی کی تشخیص کا خطرہ بڑھتا ہے۔

چہل قدمی کرنے کی عادت آپ کو انتہائی عام تکلیف دہ عارضے سے بچا سکتی ہے

چہل قدمی کو عادت بنانے سے کمر درد سے بچنا ممکن ہو سکتا ہے۔

انزائٹی کیا ہے؟

انزائٹی جسم کا تناؤ کے لیے قدرتی ردعمل ہے، یہ خوف یا فکر کی ایسی کیفیت ہوتی ہے جو مختلف عناصر کا مجموعہ ہوتی ہے ۔

دل کی دھڑکن کی رفتار بڑھ جانا، سانس چڑھنا، تھکاوٹ اور توجہ مرکوز کرنے میں مشکلات اس کی کچھ عام علامات ہیں۔

ویسے ہر فرد میں اس کا اظہاریا علامات مختلف ہوسکتی ہیں، جیسے ایک فرد کو شدید گھبراہٹ کا سامنا ہوسکتا ہے تو دوسرے کو تکلیف دہ خیالات یا ڈر کے دورے پڑسکتے ہیں۔