خیبرپختونخوا سے جاری انٹرنیشنل ڈرائیونگ لائسنس میں سے 85 جعلی ہونے کی تصدیق ہوگئی

پشاور:  خیبرپختونخوا سے جاری انٹرنیشنل ڈرائیونگ لائسنس میں سے 85 لائسنس جعلی ہونے کی تصدیق ہوگئی۔

محکمہ ٹرانسپورٹ کے پی کی دستاویزات کے مطابق ہانگ کانگ سے بھیجےگئے 90 ڈرائیونگ لائسنس میں سے 85 جعلی نکلے اور صرف  5 ڈرائیونگ لائسنس اصل قرار دیے گئے جس کا  تحریری جواب ہانگ کانگ بھجوادیا گیا ہے۔ 

دستاویز ات کے مطابق ہانگ کانگ نے 90 ڈرائیونگ لائسنس کی فہرست تصدیق کے لیے بھیجی تھی جس کی تصدیق کا عمل شروع کیا گیا تو 90 میں سے  85 ڈرائیونگ لائسنسز کا کوئی ریکارڈ نہیں ملا۔ 

یاد رہے کہ چند روز قبل ہانگ کانگ سے  90 اور آسٹریلیا سے متعددجعلی لائسنس کی تصدیق کی شکایات سامنے آئی تھیں جس کے بعد  وزارت خارجہ کی جانب سے خیبرپختونخوا حکومت کو معاملےکی چھان بین کی ہدایت کی گئی تھی۔

پختونخوا سے جاری انٹرنیشنل ڈرائیونگ لائسنز کی مبینہ جعلی تصدیق کا اسکینڈل سامنے آگیا

خیبرپختونخوا سے کم عمر افراد کوبھی ڈرائیونگ لائسنس جاری کیےگئے، ایسے لوگوں کو بھی لائسنس دیے گئے جوپاکستان آئے ہی نہیں تھے: مراسلے میں انکشاف

جعلی ڈرائیونگ لائسنس کی تحقیقات: محکمہ ٹرانسپورٹ کے پی کی ویب سائٹ ڈاؤن ہوگئی

لنک ڈاؤن ہونے کے باوجود ویب سائٹ ڈیٹا میں ردوبدل ہوسکتا ہے: آئی ٹی ماہرین