09 جولائی ، 2024 
ڈریوڈ کی جگہ گوتم گمبھیر بھارتی ٹیم کے ہیڈ کوچ مقرر
09 جولائی ، 2024
سابق بھارتی کرکٹر راہول ڈریوڈ کی جگہ سابق ٹیسٹ کرکٹر گوتم گمبھیر کو بھارتی ٹیم کا ہیڈ کوچ مقرر کردیا گیا۔
بورڈ آف کنٹرول فار کرکٹ ان انڈیا(بی سی سی آئی) کے سیکرٹری جے شاہ نے گوتم گمبھیر کو ہیڈ کوچ تعینات کرنے کا اعلان کیا۔ انہوں نے کہا کہ گوتم گمبھیر کو بھارتی کرکٹ ٹیم کے ہیڈ کوچ کے طور پر خوش آمدید کہتا ہوں۔
ان کا کہناتھاکہ میں پر اعتماد ہوں گوتم گمبھیر انڈین کرکٹ کے لیے ایک آئیڈیل شخص ہیں، وہ کرکٹ میں وسیع تجربہ رکھتے ہیں اور ان کا ٹیم انڈیا کے حوالے سے وژن بڑا واضح ہے۔
انہوں نے کہا کہ بھارتی کرکٹ بورڈ گوتم گمبھیر کے نئے سفر میں ان کا بھرپور ساتھ دے گا۔
خیال رہے کہ ٹی ٹوئنٹی ورلڈکپ جیتنے کے ساتھ راہول ڈریوڈ کا بحیثیت کوچ بھارتی کرکٹ ٹیم کے ساتھ سفر ختم ہوگیا۔ انہوں نے ٹی ٹوئنٹی ورلڈکپ کے بعد عہدہ چھوڑنے کا اعلان کیا تھا۔
مزید خبریں :
اظہر علی کو پی سی بی میں اہم عہدہ مل گیا
9 گھنٹے پہلے
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
