10 جولائی ، 2024 
بابر کو کافی عرصہ اورکافی چانس مل گئے، اب ایک ہی دفعہ سرجری کریں: شاہد آفریدی
10 جولائی ، 2024
قومی کرکٹ ٹیم کے سابق کپتان شاہد آفریدی کا کہنا ہےکہ اتنا کھلا موقع کسی کو نہیں ملا جتنا کپتان بابراعظم کو ملا ہے۔
لندن میں میڈیا سےگفتگو کرتے ہوئے سابق کپتان شاہد آفریدی کا کہنا تھا کہ اتنا کھلا چانس کسی کپتان کو نہیں ملا، ورنہ جیسے ہی ورلڈکپ ختم ہوتا ہے سب سے پہلے کپتان کے اوپر چھری پھیری جاتی ہے۔
شاہد آفریدی کا کہنا تھا کہ ہم نے بھی کپتانی کی ہے، یونس خان اور مصباح الحق بھی کپتان رہے مگر کافی عرصہ ہوگیا بابر کو کافی چانس مل گئے ہیں، لہٰذا اب ایک ہی دفعہ سرجری کریں اور جس کو بھی لے کر آرہے ہیں اسے پورا ٹائم دیں۔
سابق کپتان کا کہنا تھا کہ بابراعظم نے تو دو تین ورلڈکپ سمیت دو تین ایشاکپ کھیلے جہاں اسے کافی زبردست موقع ملا۔
قومی ٹیم کی سلیکشن کمیٹی کے رکن وہاب ریاض اور عبد الرزاق کی سبکدوشی کے حوالے سے شاہد آفریدی نے کہا کہ ایمانداری کی بات ہے یہ والی سرجری مجھے سمجھ میں نہیں آئی۔
مزید خبریں :
اظہر علی کو پی سی بی میں اہم عہدہ مل گیا
3 گھنٹے پہلے
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
سابق ٹیسٹ کرکٹر نذیر جونیئر انتقال کرگئے
21 نومبر ، 2024
کیا فخر زمان کی ٹیم میں واپسی ہوگی؟ ہیڈ کوچ نے لب کشائی کردی
21 نومبر ، 2024
