11 جولائی ، 2024 
مداحوں نے ہاردک پانڈیا کے ساتھ نظر آنے والی لڑکی کو نئی بھابھی قرار دیدیا
11 جولائی ، 2024
بھارتی کرکٹر ہاردک پانڈیا کی اہلیہ سے علیحدگی کی افواہیں گردش میں ہیں اور اس دوران پانڈیا کی ایک اور لڑکی کے ساتھ ویڈیو وائرل ہوئی ہے۔
بھارتی میڈیا کے مطابق ویڈیو وائرل ہونے کے بعد سوشل میڈیا پر فینز کی جانب سے طرح طرح کے تبصرے کیے جارہے ہیں اور کچھ فینز نے تو ویڈیو میں نظر آنے والی لڑکی کو نئی بھابھی قرار دے دیا ہے۔
تاہم بھارتی میڈیا کے مطابق ویڈیو میں نظر آنے والی خاتون ایک ڈیجیٹل کریئٹر اور میک اپ آرٹسٹ پراچی سولنکی ہیں۔
پراچی سولنکی نے ہاردک پانڈیا کے ساتھ ملاقات کی ویڈیو اور تصاویر سماجی رابطے کے پلیٹ فارم انسٹاگرام پر پوسٹ کیں جنہیں بعد میں مداحوں کی جانب سے شیئر کیا گیا۔
خیال رہے کہ ہاردک پانڈیا کی اپنی اہلیہ نتاشا اسٹینکوویچ سےعلیحدگی کی افواہیں گردش میں ہیں۔
ہاردک پانڈیا اورسربیئن اداکارہ و ماڈل نتاشا اسٹینکوویچ مئی 2020 میں شادی کے بندھن میں بندھے تھے تاہم رواں سال مئی میں اس وقت ان کی علیحدگی کی خبریں گردش کرنے لگی تھیں جب نتاشا نے اپنے انسٹاگرام اکاؤنٹ پر نام کے ساتھ ’پانڈیا‘ ہٹا دیا تھا۔
آئی پی ایل 2024 کے میچز میں نتاشا کی عدم شرکت سے بھی دونوں کے درمیان علیحدگی کی افواہوں کو تقویت ملی تھی، ٹی20 ورلڈ کپ سے واپسی کے بعد پانڈیا بھی اپنی اہلیہ کے ساتھ نظر نہیں آئے تھے۔
مزید خبریں :
امریکی اداکار جان کراسنسکی سال 2024 کے پرکشش مرد قرار
13 نومبر ، 2024
امیتابھ بچن کا نمرت کور کو لکھا گیا خط وائرل، خط میں کیا لکھا؟
13 نومبر ، 2024
سلمان خان کو دھمکی دے کر 5 کروڑ مانگنے والا نغمہ نگار گرفتار
13 نومبر ، 2024
اداکارہ ہانیہ عامر نے شاہ رخ خان سے ملاقات کی خواہش کردی
13 نومبر ، 2024
