12 جولائی ، 2024 
باجوڑ میں ہماری ناکامی بیانیے سے دوری کا نتیجہ ہے، پی ٹی آئی رکن کی اے این پی کو مبارکباد
12 جولائی ، 2024
پاکستان تحریک انصاف کے رکن قومی اسمبلی جنیداکبر نے باجوڑ میں خیبرپختونخوا اسمبلی نشست جیتنے پر عوامی نیشنل پارٹی (اے این پی) کو مبارکباد دی ہے۔
گزشتہ روز خیبر پختونخوا اسمبلی کے حلقہ پی کے 22 باجوڑ میں ہونے والے ضمنی الیکشن کے غیر حتمی اور غیر سرکاری نتیجےکے مطابق عوامی نیشنل پارٹی (اے این پی) کے نثار باز 11 ہزار926 ووٹ لےکرکامیاب قرار پائے۔
آزاد امیدوار نجیب اللہ خان 10 ہزار 622 ووٹ لے کر دوسرے جب کہ جماعت اسلامی کے عابد خان 10 ہزار 593 ووٹ لےکر تیسرے نمبر پر رہے اور سنی اتحاد کونسل کے راحت اللہ 7 ہزار 146 ووٹ لےکر چوتھے نمبر پر آئے۔
اب پی ٹی آئی رکن قومی اسمبلی جنید اکبر نے اے این پی امیدوار نثاربازکو الیکشن جیتنے پرمبارک باد دی اور کہا کہ باجوڑ میں پی ٹی آئی کی ناکامی اپنے بیانیے سے دوری کا نتیجہ ہے۔
باجوڑ میں ہماری ناکامی بیانیے سے دوری کا نتیجہ ہے، پی ٹی آئی رکن کی اے این پی کو مبارکباد
