کیا پی ٹی آئی پر پابندی لگانےکا فیصلہ حکومت کا ہے؟ حافظ حمداللہ

جمعیت علماء اسلام (جے یو آئی) کے رہنما  حافظ حمداللہ نے پی ٹی آئی  پرپابندی کے حکومتی  فیصلے  پر  ردعمل میں سوال کیا ہےکہ حکومت اس فیصلے سے عدالت کو آنکھیں دکھا رہی ہے یا طاقت کی وکالت کر رہی ہے؟

ایک بیان میں حافظ حمداللہ کا کہنا تھا کہ کیا پی ٹی آئی  پر  پابندی لگانےکا فیصلہ حکومت کا ہے؟  کیا اس فیصلے سے سیاسی  اور  معاشی استحکام آسکےگا؟ اس فیصلے سے تصادم بڑھےگا یا کم ہوگا؟

حافظ حمداللہ کا کہنا تھا کہ فیصلے سے عوام اور ملک کو کیا فائدہ ہوگا؟ فارم 47 کی حکومت کو کیا ایسے فیصلے کرنےکا حق حاصل ہے؟ ماضی میں جن سیاسی جماعتوں پر پابندی لگائی گئی تھی وہ جماعتیں آج بھی موجود ہیں، ماضی میں پابندی لگانے والوں کے نام ونشان نہیں ہیں۔

ان کا کہنا تھا کہ  حکومت اس فیصلے سے عدالت کو آنکھیں دکھا رہی ہے یا طاقت کی وکالت کر رہی ہے، ملک میں سیاسی، معاشی استحکام کے لیے جلدازجلدصاف،شفاف انتخابات ناگزیر ہیں۔

حکومت کا تحریک انصاف پرپابندی لگانے کا فیصلہ

حکومت نے فیصلہ کیا ہے سابق صدر عارف علوی، بانی پی ٹی آئی اور سابق ڈپٹی اسپیکر قاسم سوری کے خلاف آرٹیکل 6 کا کیس چلایا جائے: وزیر اطلاعات

آج کی پریس کانفرنس کے بعد مشتاق یوسفی مرحوم بہت یاد آئے، عارف علوی کا ردعمل

وفاقی حکومت نے آج تحریک انصاف پر پابندی لگانے اور سابق صدر عارف علوی، سابق وزیراعظم عمران خان اور سابق ڈپٹی اسپیکر قاسم سوری کے خلاف آرٹیکل 6 کی کارروائی کا اعلان کیا