مخصوص نشستوں پر حکومت آگے بھی کچھ کریگی تو آئین کے مطابق اپنا حق لیں گے: وزیراعلیٰ کے پی

پشاور: وزیراعلیٰ خیبرپختونخوا علی امین گنڈاپور نے کہا ہے کہ مخصوص نشستوں پر وفاقی حکومت آگے بھی کچھ کرےگی تو آئین کےمطابق اپنا حق لیں گے۔ 

جیونیوز سےگفتگو کرتے ہوئے  علی امین گنڈاپور  نے کہا کہ خواجہ آصف کہتے ہیں کہ پی ٹی آئی والوں کو اقتدار کا شوق ہے، ہم نے دو حکومتیں چھوڑیں، اقتدارکا شوق ہوتا تو حکومتیں نہ چھوڑتے، خواجہ آصف خود بری طرح الیکشن ہارا لیکن پھرفارم 47 پر اقتدار میں آیا، یہ تو عوام میں منہ دکھانے کے قابل نہیں ہیں۔ 

تحریک انصاف پر کسی کا باپ بھی پاپندی نہیں لگا سکتا، وزیر اعلیٰ خیبر پختونخوا

علی امین گنڈاپور نے کہا کہ یہ خود مینڈیٹ چوری کرکے بیٹھے ہوئے ہیں اس سیاسی جماعت پر پاپندی لگانے کی بات کر رہے ہیں جس نے سب سے زیادہ ووٹ لیے۔

علی امین نے کہا کہ ہم اقتدار والے نہیں جمہوری لوگ ہیں، پہلے بھی کہا تھا کہ مخصوص نشستوں کیلئے لڑیں گے، ہم نے مقابلہ کرکے مخصوص نشستیں حاصل کیں، مخصوص نشستوں پر وفاقی حکومت آگے بھی کچھ کرےگی تو آئین کےمطابق اپنا حق لیں گے۔ 

وزیراعلیٰ کے پی کا کہنا تھا کہ عمران خان نے مذاکرات سےمتعلق جوبات کی ہے وہی پی ٹی آئی کاموقف ہے۔