19 جولائی ، 2024 
پشاور میں قتل کی وارداتوں میں اضافہ، رواں سال اب تک 219 افراد قتل
19 جولائی ، 2024
پشاور میں رواں سال اب تک قتل ، اقدام اقتل، اغوا اور چوری کے واقعات میں اضافہ دیکھنے میں آیا ہے جہاں شہر میں 219 افراد قتل کردیے گئے۔
جیو نیوز کو موصول پولیس رپورٹ کے مطابق گزشتہ پورے سال میں 231 افراد قتل ہوئےتھے تاہم رواں سال شہر میں اب تک اقدام قتل کے 338 واقعات رپورٹ ہوئے اور اس دوران 219 افراد قتل ہوئے۔
پولیس رپورٹ کے مطابق شہر میں رواں سال بچوں کے اغوا اور شہریوں کے لاپتا ہونے کے 51 مقدمات درج ہوئے اور ڈکیتی اور چوری کی 288 وارداتیں رپورٹ ہوئی ہیں۔
رپورٹ میں بتایا گیا ہے کہ رواں سال شہر میں 155 شہریوں کو گاڑیوں اور موٹرسائیکلوں سےمحروم ہونا پڑا، شہر بھر میں رواں سال زنا کے بھی 29 مقدمات درج ہوئے۔
ایس ایس پی آپریشنز کاشف ذوالفقار کے مطابق جائیداد کے تنازعات ، آمدنی کے معاملات،کاروباری لین دین، ہتھیار سازی اور خاندانی مسائل شہر میں قتل کے بڑھتے واقعات کی وجوہات ہیں ۔
مزید خبریں :
ملتان میں ٹریفک وارڈن کے مبینہ تشدد سے بزرگ شہری جاں بحق
23 نومبر ، 2024
کراچی میں ڈاکوؤں نے ایک اور چراغ گُل کر دیا
23 نومبر ، 2024
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
