20 جولائی ، 2024 
پاکستان
شہر میں آج شام یا رات میں گرج چمک کیساتھ درمیانی اور چند مقامات پر موسلا دھار بارش کا امکان ہے: محکمہ موسمیات/ فائل فوٹو
کراچی میں آج بھی موسم شدید گرم رہنے کا امکان، پارہ 40 ڈگری کو چھو سکتا ہے
20 جولائی ، 2024
کراچی میں آج بھی موسم شدید گرم اور مرطوب رہنےکا امکان ہے۔
محکمہ موسمیات کے مطابق آج شہر کا پارہ 40 ڈگری سینٹی گریڈ تک پہنچ سکتا ہے جبکہ شام یا رات میں گرج چمک کیساتھ درمیانی اور چند مقامات پر موسلا دھار بارش کا امکان ہے۔
حکام محکمہ موسمیات نے بتایا کہ اتوار اور پیر کو بھی شہر کا موسم گرم اور مرطوب رہنےکا امکان ہے، اتوار کو شام یا رات میں گرج چمک کے ساتھ ہلکی بارش کی توقع ہے، اس دوران زیادہ سے زیادہ درجہ حرارت 36 سے 38 ڈگری سینٹی گریڈ تک رہ سکتا ہے۔
محکمہ موسمیات کے مطابق مون سون ہواؤں کا سلسلہ سندھ میں مسلسل داخل ہو رہا ہے جس کے سبب آج اور کل سندھ کے مختلف مقامات پر گرج چمک، درمیانی اور کہیں موسلا دھار بارش ہوسکتی ہے۔
