29 جولائی ، 2024 
کرم میں قبائل کے درمیان مسلح تصادم کا چھٹاروز، جاں بحق افراد کی تعداد 43 ہوگئی
29 جولائی ، 2024
خیبر پختونخوا کے ضلع کرم میں 2 قبائل کے درمیان زمین کے تنازع پر شروع ہونے والا مسلح تصادم چھٹے روز بھی جاری ہے۔
گاؤں بوشہرہ اور مالی خیل کے درمیان فائرنگ کا سلسلہ زمین کے تنازع پر شروع ہوا تھا جو چھٹے روز بھی جاری ہے اور اس دوران اب تک مجموعی طور پر 43 افراد جاں بحق اور 177 افراد زخمی ہوگئے ہیں۔
ذرائع کے مطابق پاراچنار میں شاہراہ ہر قسم کی آمد و رفت کیلئے بند ہے، پارا چنار میں شاہراہ بند ہونے اور مسلسل جھڑپوں سے شہریوں کو مشکلات کا سامنا ہے جب کہ پشاور اور اسلام آباد سمیت ملک کے مختلف شہروں میں عوام نے جھڑپوں کے خلاف احتجاج شروع کردیا ہے۔
ڈپٹی کمشنر پارا چنار کے مطابق فائر بندی کے لیے انتظامیہ، فورسز اور امن جرگہ کوششوں میں مصروف ہیں، رات گئے ضلع کرم کے 4 مقامات پر جاری جھڑپوں میں شدید فائرنگ کا تبادلہ ہوا جب کہ تازہ جھڑپوں میں مزید 8 افراد جاں بحق ہوگئے۔
ڈپٹی کمشنر جاویداللہ نے بتایا کہ بوشہرہ میں فائربندی ہوگئی ہے، باقی علاقوں میں فائربندی کیلئے انتظامیہ فورسز اور امن جرگہ کوششوں میں مصروف ہے، لوئر کرم کے مختلف علاقوں میں فائر بندی پر رضا مندی کے باوجود جھڑپوں کا سلسلہ جاری ہے۔
مزید خبریں :
ملک بھر میں سردی کے ڈیرے، سب سے زیادہ ٹھنڈکہاں پڑی؟
2 گھنٹے پہلے
کیا گورنر سندھ کامران ٹیسوری کو ہٹایا جا رہا ہے؟
3 گھنٹے پہلے
