’میں سائرہ بانو سے شادی کروں گا’، ماضی کی اداکارہ نے سنجے کا واقعہ شیئر کردیا

بھارت کے معروف اداکار مرحوم یوسف خان المعروف دلیپ کمار کی اہلیہ سائرہ بانو نے بالی وڈ اداکار سنجے دت کے بچپن کا واقعہ شیئر کردیا۔

سنجے دت کی آج سالگرہ ہے اور وہ 65 سال کے ہوگئے ۔ اس دن کے حوالے سے اداکار مرحوم دلیپ کمار کی اہلیہ نے سنجے دت کے بچپن کا دلچسپ واقعہ سوشل میڈیا پر شیئر کیا ہے۔ اپنی انسٹاگرام اسٹوری میں سائرہ بانو کا کہنا تھاکہ سنجے دت ہمیشہ میرے لیے ایک فیملی کی طرح رہا ہے، ہم نے اسے چھوٹے بچے سے ایک قابل ذکر انسان بنتا دیکھا ہے۔

انہوں نے کہا کہ مجھے آج بھی یاد ہے کہ نرگس آپا چھوٹے سے بچے (سنجے) کو ہمارے گھر فنکشن پر لائیں اور ملاتے ہوئے کہا کہ ’چلو سائرہ جی کو بولو تم کیا بولتے ہو مجھے؟ سنجے نے میری طرف دیکھا اور کہا کہ ’میں سائرہ بانو سے شادی کروں گا‘۔

سنجے دت کے اثاثوں کی مالیت کتنی ہے؟ تفصیلات منظر عام پر آگئیں

سنجے دت کے پاس لگژری گاڑیاں بھی ہیں جن میں رولز روئس، رینج روور، فراری، اوڈی اور بی ایم ڈبلیو شامل ہیں جن کی مالیت کروڑوں میں ہے

ان کا مزید کہنا تھاکہ مجھے یقین ہے میں اور شرمیلا ٹیگور سنجو کی سب سے زیادہ پسندیدہ تھیں۔

اس کے ساتھ ہی سائرہ بانو نے سنجے دت کو سالگرہ کی مبارکباد دی۔